Azərbaycanı UEFA Konfrans Liqasında təmsil edəcək "Sabah" və "Sumqayıt" klublarının rəqibləri bu gün bəlli olacaq.

"Football-plus.az” xəbər verir ki, 2-ci təsnifat mərhələsindən mübarizəyə başlayacaq təmsilçilərimizin rəqibləri İsveçrənin Nyon şəhərində keçiriləcək püşkatmanın nəticəsindən sonra müəyyənləşəcək. Tədbir Bakı vaxtı ilə saat 16:00-da başlayacaq.

“Sabah” bu mərhələdə aşağıdakı komandalardan biri ilə qarşılaşacaq:
“Makkabi” (Hayfa, İsrail)
“Astana” (Qazaxıstan)
AEK (Larnaka, Kipr)
“Marsaşlokk” (Malta) - “Partizani” (Albaniya) cütünün qalibi

“Sumqayıt" FK-nın UEFA Konfrans Liqasının 2-ci təsnifat mərhələsindəki potensial rəqiblərinin qısa siyahısı məlum olub. Belə ki, “kimyaçılar” "Başakşehir" (Türkiyə), "Hapoel" (Ber-Şeva, İsrail), "Omoniya" (Kipr), "Fehervar" (Macarıstan) və "Sent Qallen" (İsveçrə) kollektivlərindən biri ilə bu mərhələdə rəqib olacaq.

"Sabah" Hayfa "Makkabi"sinə (İsrail) rəqib olub. "Sabah" ilk oyununu səfərdə keçirəcək.

"Sumqayıt" isə bu mərhələdə “Fehervar”la (Macarıstan) qarşılaşacaq. "Sumqayıt" ilk matçı öz meydanında olacaq.

Qeyd edək ki, UEFA-nın təlimatına əsasən Azərbaycan və Ermənistan klubları təsnifat mərhələsinin görüşlərində üz-üz gələ bilməz.