Azərbaycan şahmatçıları Ayan Allahverdiyeva, Nərmin Abdinova və Səbinə Rzalı Hindistanın Qandinaqar şəhərində gənclər arasında keçirilən dünya çempionatının 3-cü turunda qələbə qazanıb.

Ayan qara fiqurlarla hindistanlı Saparya Qhosu üstələyib. Qara fiqurlarla mübarizə aparan digər təmsilçimiz Nərmin yerli şahmatçı Advika Saruprianı məğlub edib. Səbinə isə hindistanlı Hasini Kamabathulanı təslim olmağa məcbur edib.

Qeyd edək ki, İsveçrə sistemi ilə keçirilən, 11 turdan ibarət olan yarışda 44 ölkədən 102 şahmatçı mübarizə aparır. Üç turdan sonra Ayan Allahverdiyeva və Nərmin Abdinova ilə yanaşı, daha 6 şahmatçı maksimum nəticə göstərib.