“Premyer-liqa darıxdırıcıdı? Əvvəllər hər şey pulla dəyərləndirilirdi... Səbəb bu idisə, “Mançester Yunayted” bütün titulları qazanmalı idi. Bu planda ikincisi “Çelsi”, üçüncüsü isə “Arsenal”dı. Bu klublar son beş-altı il ərzində “Mançester Siti”dən daha çox pul xərcləyiblər”.

“Son dəqiqələrdəki epizodda oyunun davam etməsinə icazə verilməliydi. O anda əsasən yan xətt hakimin səhv etdiyini deyə bilərəm. O, bayrağı qaldıranda, baş hakim 3 metrlik ofsayd olduğunu düşünərək ona güvəndi. “Bavariya”nın qəzəbinə haqq qazandırmaq olar, çünki epizodun sona qədər davam etdirilməsinə imkan verilməliydi”.

“Ən əsas məsələ təmkinli olmaqdı. Hansısa işi görməyə başlayır və işin tezliklə sona çatmasını istəyirsiniz. Amma reallıq budur ki, istənilən işi uğurla sona çatdırmaq üçün müəyyən vaxt tələb olunur. Səbir etmək həmişə bizim əsas iş prinsipimiz olub. 2013-cü ildə “Docers”i alarkən işə 15-25-ci yerlərdə başlamışdıq (klub onda turnir cədvəlində 24-cü, 2014-cü ildə isə 16-ci yeri tutub – red.), amma həmişə planımıza uyğun hərəkət etmişik. Çünki planın doğru olduğuna həmişə inanmışıq. “Çelsi” ilə startımız da belə olub. Klubun ətrafında salınan səs-küyə əhəmiyyət vermədən işə davam etmək və plana sadiq qalmaq vacibdi. Mövsümün “Boxing day”indən sonra premyer-liqada ən çox xal toplayan 4-cü komandayıq. Hazırkı vəziyyətə nəzər salarkən istər-istəməz nəticələrin bundan sonra çox yaxşı olacağını düşünürsən”.

“Onu qələbələrlə zəngin olan illərdə də tənqid edirdilər, amma son aylar tənqidlərin dozası görünməmiş həddə çatmışdı. Həqiqət budur ki, onun adından möhtəşəm karyerası danışır. Alleqri hörmətəlayiq mütəxəssisdi. Onun “Atalanta” ilə final oyunundan sonrakı davranış və hərəkətləri məni təəccübləndirdi. Yəqin özünü həddən artıq əsəbi aparması üçün ciddi səbəb olub. “Yuventus”dakı atmosfer Cuntolinin idman direktoru təyin olunmasından sonra dəyişib və Alleqri bunu hiss edirdi. Bəlkə də kuboku qazanandan sonra qürurunu bu şəkildə ifadə etməyə məcbur olub. “Yuve” bu mövsüm “İnter” və “Milan”dan geri qalır. Heç vaxt böyük qələbələri yaşamayan oyunçularla titul qazanamaq çox vacibdi. Qələbələr yeni mentallıq yaradır. Bununla belə, “Yuventus” səviyyəsini artırmaq istəyirsə, transfer bazarında yaxşıca xərcə düşməlidi. Komandada 3-4 yüksək səviyyəli futboçuya ehtiyac var”.

“Çoxları Laportanı klub tarixinin ən yaxşı prezidenti hesab edir. Amma nəticələr hər şey demək deyil. Bəxtimiz onda gətirib ki, prezidenti seçmək imkanımız var. Mən ona səlahiyyət müddətinin sonuna (bu müddət 2026-cı ildə sona çatacaq – R.Y.) qədər şans verərdim. Biz seçimimizə görə məsuliyyət daşımalıyıq”.

“Ən böyük ehtimal onun daha bir il qalması və tarix yazmağa davam etməsidi. “Real” dünyanın ən yaxşı klubudu və bu kluba tarixinin ən yaxşı prezidenti rəhbərlik edir. Luka Modriç “Real”ın azarkeşidi. O, klubu sevir və onu öz evi hesab edir”.

“Mbappenin “Real”a lazım olub-olmadığını deyə bilmərəm. Amma məndən olsaydı, onu dünyanın istənilən komandasına transfer edərdim. O, Madridə yollansa, hazırkı dövrlə müqayisədə “Qızıl top”u qazanmaq şansı daha çox olacaq. Fikrimcə, Kilian indi dünyanın ən yaxşı futbolçusudu və “Real”a çox şey bəxş etməyə qadirdi”.

“Sizi (komandadan istefaya göndərilən Massimiliano Alleqrini nəzərdə tutur – R.Y.) “Yuventus”un tarixinin ən yaxşı məşqçilərindən biri kimi xatırlayacaqlar. Siz klubla fərqli şəkildə vidalaşmağa layiq idiniz. Hər şeyə görə sağ olun, cənab, sizə uğurlar diləyirəm”.

“Arauxonun gələcəyinə görə şübhə etmirəm. O, klubumuzda xoşbəxtdi”.

“Komandanı yayda tərk edə bilərəm? Burda qalacağam. Kluba gərək olmalıyam. Həmişə lazım olduğum yerdə qərar tutmaq stədiyimi demişəm. “Yunayted”ə hansısa səbəbdən lazım olmasam, gedəcəyəm. Mövsümün sonudu? İşimiz hələ sona çatmayıb. Premyer-liqada bir oyunumuz qalıb, sonra isə bizi İngiltərə kuboku uğrunda mövsümün ən vacib matçı gözləyəcək”.

“Antonio Konte haqqında siz (jurnalistləri nəzərdə tutur – R.Y.) danışırsınız, mən onun adını heç vaxt dilimə gətirməmişəm. Doğrudu, ötən ilin noyabrında klubdaxili iclasda baş məşqçi vəzifəsinə namizədlərdən biri kimi nəzərdən keçirilmişdi, vəssalam. Elə fikir formalaşdırırsız ki, sanki “Napoli”ni yüksək səviyyəyə yalnız bir adam çıxara bilər”.

“Kluba futbolçu kimi gələrkən hamıya “uşaqlar, gəlin, hamılıqla bunu edək, birləşək” – deyə müraciət etmişdim (ispaniyalı komandada 2011-16-cı illərdə çıxış edib və kapitan olub – R.Y.). Həmin anda çox həyəcanlı idim. Məni “hər şeyi etməyə hazırlaşıram. Burda bütün divarları yıxmağa hazıram. Biz bunu etməliyik” kimi fikirər bürümüşdü. Karyeramın sonuna yaxın özümü futbolçudan çox məşqçi kimi sınamaq istəyirdim... “Arsenal”a təyinatım? 2019-cu ildə komanda dərin problemlərin içində idi. Problem bizim köklərimizdə idi. Hər şey dağınıq vəziyyətdə idi. Öz adamlarımıza böyük ehtiyacımız yaranmışdı. Biz onları işimizə çox bağlı olduğumuza və komandanı yenidən yüksək səviyyəyə qaldırmağa hazır olduğumuza inandırmalı idik”.

“Bilmirəm, bu barədə şərh verməyəcəyəm. Fransız dilində çəkilən seriallara aludə olmuşam. Mən yalnız Fransada baş verənləri izləyirəm”.

“Daha çox titul qazana biləcəyimizi anlayırıq, amma artıq mövcud reallığı dəyişə bilmərəm. Burdakı fəaliyyətim dövründə daha az kubok qazana da bilərdik. Liderdən bir xal geri qalmaqla çempion olmamaq heç də yaxşı təcrübə sayılmır, amma istənilən halda təcrübədi. Həmin mövsümdə başqa nəsə edə bilməzdim. Biz Çempionlar Liqasında bir dəfədən çox qalib gələ bilərdik. Üç finalda oynamaq artıq böyük uğurdu. Bilirsiniz, bəzi finallarda uduzmaq ehtimalı çox olur. “Real” finalda qalib gəlməyin üsulunu həmişə tapa bilir. Daha çox uğur qazana biləcəyimi düşünsəydim, özümü xoşbəxt saymazdım. Qazandıqlarımdan artığına sahib ola bilməzdim. Kimsə bunu bacara bilərdi? Bəlkə də beləsi tapılardı. Amma mən yox: qazandıqlarım məni qane edir. Haqqımda fikirlər səsləndirəcəklər. Məncə, əksəriyyət burdakı fəaliyyətim ərzindəki nailiyyətlərimizə normal baxacaq”.

“Kriştiano Ronaldo ilə Lionel Messinin hazırda çıxış etdikləri klublar onlara tamamilə uyğundu. Onlar indi İngiltərə, İspaniya, İtaliya və Almaniya kimi top-liqalarda yüksək rəqabətə davam gətirə bilməzdilər. Hər ikisi təxminən 40 yaşına yaxınlaşıb və görünür, indi olduqları ölkələrdə özlərini xoşbəxt sayırlar. Messi ilə Ronaldo Avropaya qayıtsaydılar, kəskin tənqidlərə məruz qalardılar. Belə münasibət isə onların möhtəşəm karyerasına qara ləkə sala bilərdi”.

“Daha çox uğur qazana biləcəyimi düşünsəydim, özümü xoşbəxt saymazdım”.