“Slovakiyayla keçiriləcək oyunla bağlı ötən ildən razılığa gəlmişik. Bilindiyi kimi, hazırda hansısa əhəmiyyətli turnir çərçivəsində matçımız yoxdu. Boşluğu keyfiyyətli şəkildə dəyərləndirmək haqda qərar qəbul etdiyimizdən Slovakiya ilə qarşılaşacağıq. Bu matçda əvvəlki vacib oyunlarda şans görməyən futbolçuları tanışmağa çalışacağıq. İyunun 11-də isə Bolqarıstanla üz-üzə gələcəyik. Rəqiblər çoxdan seçilib. Məqsədimiz bizdən daha güclü rəqiblərlə oynamaqdı. Bilindiyi kimi, reytinqdə daha yuxarı pillələrdə qarşılaşan komandalar bizimlə qarşılaşmaq istəmir. Bu üzdən əvvəldən razı olan rəqiblər seçilib və tarix təyin edilib”.

“Başqa ölkələrdə yalnız Ramik deyil, çoxlu həmyerlimiz var. Hər birinin adına bizdə olan siyahıda rast gəlmək mümkündü. Qismət olsa, hamısına şans verəcəyik. Məhz Ramikə gəlincə, onu yaxından izləmək imkanım olmayıb. Rusiya və Ukrayna başda olmaqla bir neçə ölkədə bacarıqlı azərbaycanlı futbolçuların olmasından xəbərdarıq. Heç birini diqqətdən kənar qoymuruq. Ramikin milliyə cəlb olunması üçün azı bir ay vaxt lazımdı. Əlbəttə, 2-3 günün işi deyil. Zamanla keyfiyyətli oyunçuları komandaya cəlb edəcəyik. Bu yöndə ciddi işlər görülür. Lakin Ramikin yaxınlarda yığmaya cəlb olunması nəzərdə tutulmayıb”.