“İmişli” AFFA-nın qərarından həm razıdı, həm də narazı
Aprelin 3-də keçirilən 1-ci liqanın 20-ci turunun “Mingəçevir” – “İmişli” oyunundan sonra qonaqlar məhkəməlik oldu.
Belə ki, 80-ci dəqiqədə “İmişli”dən Gilyerme Silva ciddi qayda pozuntusuna görə birbaşa qırmızı vərəqə aldığı üçün AFFA İntizam Komitəsi futbolçunun 2 oyun cəzalanması, klubun 150 manat cərimələnməsi barədə qərar verdi. AFFA-nın Apellyasiya Arbitraj Tribunalı aprelin 17-də bu qərarı dəyişdi, Klub isə bu qərardan da qane olmadı. Bəs buna görə hansısa addım atılacaqmı? “İmişli”nin icraçı direktoru Aqşin Mürsəlov “Futbol+”ə açıqlamasında şikayətini tam təmin edilmədiyi bildirdi:
“AFFA İntizam Komitəsininə qərarla bağlı şikayət ünvanladıq. Onlar da qərarı qüvvədə saxladılar. Biz isə Apellyasiya Arbitraj Tribunalına müraciət etdik. Şikayətimizi qismən təmin etdilər. Qırmızı vərəqəyə görə verilən 2 oyun cəzanın birini götürdülər, amma 3 ay ərzində hansısa qayda pozuntusu etsə, o qüvvəyə minəcək. Həm də 150 manat cəriməni də bağışlamadılar. “İrəvan”la oyunda cəzanın biri getmişdi, cəmi 1 oyunu sildilər. Demək olar ki, bizi qane etdi. Sadəcə, cərimə məbləğini silmədiklərunə görə narazı qaldıq”.
İcraçı direktor bir daha belə hal yaşanacağı halda razılaşmayacağını, İsveçrədəki İdman Arbitraj Məhkəməsinə şikayət edəcəyini dedi:
“Hakimlərlə bağlı az qala bütün klublar problem yaşayır. Belə hal təkrar yaşanarsa, daha yuxarı yerlərə müraciət edəcəyik. Amma verdiyimiz bu şikayətdən sonra başqa addım atmağı planlaşdırmırıq”.
RÖYANƏ OĞUZ
Digər xəbərlər
