“Məşqlərdə tətbiq etdiklərimizi bu gün reallaşdıra bildik“
Misli premyer-liqasının 30-cu turunda “Turan Tovuz” “Qəbələ”yə 2:1 hesabıyla qalib gəlib.
“Football-plus.az” xəbər verir ki, matçdan sonra qərblilərin baş məşqçisi Ayxan Abbasovun mətbuat konfransı keçirilib. Sizi mütəxəssisin fikirləri ilə tanış edirik:
"Bilirdik çətin olacaq. "Qəbələ" qalib gəlmək istəyirdi. Bu gün çox aqressiv idilər. Biz də xal qazanmaq istəyirdik. Burda oynamaq bir az çətindi. Bu gün futbolçularım əzmkarlıq göstərdi. Çempionatın sonudu, psixoloji savaş da gedir. İlk dəqiqələrdə yaxşı imkanımız oldu. Bəlkə də qolu vursaydıq, daha rahat olardıq. Mərkəzdə bir səhvdən sonra rəqibə qol fürsəti verdik. İkinci hissədə riskə getdik. Sevinirəm ki, geridönüş etdik. Buna ehtiyacımız var idi. Futbolçularda özünəinam artır".
- Növbəti turda "Sumqayıt"la 6 xallıq oyununuz olacaq. Bu gün ikinci hissədəki taktikanı həmin matçda tətbiq edəcəksiz?
- Xəyal Nəcəfov oyunu buraxacaq. Bu gün dayaq yarımmüdafiəçisi olmadan oynayırdıq. "Sumqayıt"la matç tamam başqa cür olacaq. Nəsə dəyişiklik edə bilərik. Əlimizdə yaxşı hücumçular var. Buna çox sevinirəm. Məşqlərdə tətbiq etdiklərimizi bu gün reallaşdıra bildik. "Sumqayıt"ın özünəməxsus oyun üslubu var. Çətin olacaq. Evdə oynamağın üstünlüyündən istifadə etməyə çalışacağıq.
- Aleks Souzanı saxlamaq çətin olmayacaq?
- Bizimlə üç illik müqaviləsi var. İstedadlı futbolçudu. Hələ bir az da artıra bilər. Aleks özünü tovuzlu kimi aparır.
Digər xəbərlər
