“Çempionatın ilk dövrəsində klubda həm oyunçu, həm də köməkçi məşqçi kimi fəaliyyət göstərirdim. Tural Rzayev komandadan gedəndən sonra isə məni baş məşqçi təyin etdilər. Belədə birinci dövrəni baş məşqçi kimi idarə etdim. İkinci dövrədən etibarən komandamıza yeni baş məşqçi təyin olundu. Hazırda Elşad Məmmədov bu vəzifəni yerinə yetirir. Bundan sonra mən köməkçi məşqçi kimi qaldım. Həm də adım iştirak ərizəsində futbolçu kimi qeyd olunduğundan çempionat matçlarında oynamaq hüququm da var idi. Hazırda gəncəm və məşqçiliyin sirlərini öyrənmək üçün belə qərar verdim. Düşünürəm ki, həm sağlamlıq, həm də təcrübə qazanmaq baxımından oynamaq olar”.