"Bakı Metropoliteni" QSC martın 7-də Avropa Liqasının 1/8 finalının "Qarabağ" - "Bayer-04" oyununa görə gücləndirilmiş iş rejimində çalışacaq.

"Football-plus.az" xəbər verir ki, Ağdam təmsilçisi qarşılaşmanın gec saatlarda başlaması ilə əlaqədar "Bakı Metropoliteni" QSC-yə metropolitenin iş rejimində dəyişiklik edilməsi barədə müraciət ünvanlayıb.

Klubun müraciəti və bu oyuna ölkəmizdə marağın böyük olması nəzərə alınaraq, Tofiq Bəhramov adına Respublika stadionunda matçı canlı izləyən azarkeşlərin daşınması məqsədilə metropolitenin iş rejimində müvafiq dəyişiklik edib. Bakı metropoliteni martın 7-dən 8-nə keçən gecə saat 01.00-a qədər sərnişinlərin girişinə açıq olacaq.