"Final görüşü çətin keçdi. Rəqibim moldovalı Avropa və dünya çempionu idi. Düzünü desəm, finaldakı çıxışımdan tam razı qalmadım. Bəzi səhvlərə yol verməsəydim, daha rahat qələbə qazana bilərdim. Məşqlərdə onların üzərində işləyib, həmin səhvləri aradan qaldırmalıyam. Amma şükürlər olsun ki, istədiyim nəticəni əldə etdim və Avropa çempionu oldum. Hələ ki içi mən qarışıq 60 kiloqramda Avropadan heç kim Olimpiadaya lisenziya qazanmayıb. Qarşıda bizi lisenziya yarışları gözləyir. Orda kimin mübarizə aparacağına isə məşqçilər qərar verəcək. Təbii ki, mən daim hazır olmalıyam. Bu qələbəm mənim üçün böyük inam və motivasiya oldu".
Yunan-Roma güləşi üzrə yığmanın baş məşqçisi Aleksandr Tarakanov isə AÇ-nin yekunlarını belə dəyərləndirib: “İdmançılarımızın zədələrlə bağlı müəyyən çətinlikləri var idi. Buna baxmayaraq, onlar çətinliyin öhdəsindən gəldilər və ən yüksək nəticə göstərdilər. İdmançılarımızın əhval-ruhiyyəsi yaxşıdı. Qarşıda Olimpiya Oyunları var. Seçim gedir, biz də çalışacağıq ki, Olimpiya Oyunlarında çoxlu sayda idmançı ilə təmsil olunaq və daha yaxşı nəticələr əldə edək”.