“Avropadakı “Qarabağ” Azərbaycan çempionatındakından fərqlidi. “Qarabağ” burda daha çox dominant, meydanın rəqibə aid hissəsində oynamağı sevir. Avropada isə əksinədi. Sürətli keçidləri olur. Çünki çox sürətli hücumçuları var. Boş mövqe tapsalar, bundan effektli şəkildə yararlanacaqlar”.

“Ancaq asan olacağını düşünürlərsə, səhvə yol verirlər. “Qarabağ”ın evdə uğurlu nəticə qazanmaq şansı çoxdu. Çünki “Braqa” Bakıya yorğun gələcək. Üstəlik uzun yol qət edəcəklər. Azərbaycan komandası yanvardan bəri çox motivasiyalıdı. İlin əvvəlində onlarla yoxlama görüşü keçirdik, hələ o vaxtdan “Braqa” haqda danışırdılar. Püşkatmadan bəri, yəni aylardı “Braqa” ilə oyunlara hazırlaşırlar”.

“Düşünürəm ki, “Qarabağ” “Bayer-04” ilə oyundakı kimi qapalı futbol sərgiləyəcək. Belədə “Braqa” topla sürətli davranmalı olacaq. “Qarabağ”ın futbolçuları yüksək intensivliyə öyrəşməyib. Top bir qapıçıdan digərinə sürətlə keçərsə, çətinlik çəkəcəklər. Portuqaliyada daha sürətli oyunlar keçirilir. Burda belə deyil. “Qarabağ”ın bizə, “Sabah”a və “Neftçi”yə qarşı gərgin oyunları olur. Amma digər komandalar çox qapalıdı və daha ləng çıxış edirlər. “Braqa” çempionatın ən yaxşı hücumçularından birinə sahibdi. “Qarabağ”ın müdafiəçiləri isə təkbətək mübarizə aparan rəqiblərə öyrəşməyiblər”.