“Bəhruzu təzə götürmüşdük. Bir müddət öncə U-19 komandasından 4-5 futbolçu bizə qatılmışdı ki, aralarında o da var idi. Etiraf edim ki, onun üzərində məndən daha çox aşağı yaşlarda ikən ona zaman ayıran, əziyyətini çəkən məşqçilərin zəhməti var. Ümumiyyətlə, "Neftçi" akademiyasında Bəhruz kimi bacarıqlı uşaqların sayı az deyil. Maşallah, seçilirlər. Bəhruz gənc və perspektivli yetirmələrimizdən biridi. Sözün düzü, onunla çox vaxt keçirə bilmədik. Cəmi 6 ay bizimlə oldu. İnanıram ki, gələcəkdə yaxşı futbolçu olacaq. Amma bunun üçün öz üzərində işləməlidi. Məşqlərdə bizimlə olsa da, U-19-un heyətində çıxış edirdi. Bilindiyi kimi, oyunçuların təcrübə qazanması, müəyyən ab-havaya öyrəşməsi üçün belə addımlar atırıq. Sağ olsun, Bəhruz orda yaxşı oyun göstərdi. Səhv etmirəmsə, 18 qola imza atmışdı, bombardirlər siyahısındaydı".

"Düzü, fiziki cəhətdən bütün futbol normalarına cavab vermir. Ən əsası, cüssəli deyil. Amma bunun Bəhruza problem yaradacağını zənn etmirəm. Zaman keçdikcə, məşqlərdə tam məsuliyyətlə çalışmağa davam etdikcə, oyunlarda bütün gücünü qoyduqca inkişaf edəcək və çatışmazlıqlar geridə qalacaq. Çünki yetərincə məsuliyyətli uşaqdı".