"Ən çətin rəqiblər yarımfinal və final görüşlərində oldu. Onlar qarşısında bir qədər çətinlik çəkdim. Hazırkı çəkim olimpiya çəkisi deyil. Məndən aşağı-yuxarı hər ikisində də lisenziya alınıb deyə Olimpiadada iştirak edə bilməyəcəm. İnşallah, 2028 Olimpiadasında iştirak etmək istəyirəm. Hələ ki bu çəki dərəcəsində qalacam. Gələn ay Avropa çempionatı var. Ümid edirəm ki, orda da maksimum dərəcədə yaxşı nəticə göstərəcəm".

Deyərdim ki, beş görüşümün hər biri ağır keçdi. Bütün rəqiblərin öz çətinliyi var idi. Çünki bu çəkidə asan rəqib yoxdu. Hər kəs qələbə qazanmaq istəyirdi. Qırğız və erməni idmançıdan başqa, hamı bu yarışda iştirak edirdi.

Digər qrupda Olimpiya Oyunlarına lisenziya qazanan yapon güləşçi də var idi. Kimliyindən asılı olmayaraq bu çəkidə lisenziya ala biləcək idmançı mənim üçün əsas rəqibdi. "Zaqreb Open", sadəcə, reytinq turniri idi. Bundan da yüksək nəticələrim var. 2020-də Avropa çempionu, 2021, 2022-də Avropa üçüncüsü olmuşam. 2021 və 2023-də dünya çempionatının finalına yüksəlmişəm. Fevralda Rumıniyada təşkil olunacaq Avropa çempionatında iştirak edəcəm. İstəyirəm ki, 2-ci dəfə Avropa çempionu olum. Lakin builki əsas planım Paris Olimpiadasıdı. Bacardığım qədər yüksək nəticə əldə etməyə çalışacam".