“İlk matçda hər şey gözlədiyim kimi oldu” – Vüsal İsgəndərli nəyə təəssüfləndi?
Yanvarın 3-də Albaniya "Eqnatiya"sından Türkiyə "Boluspor"una transfer olunan Vüsal İsgəndərli srağagün ilk oyuna çıxıb.
Türkiyənin 1-ci liqasında 18-ci turda "Adanaspor"a qarşı səfər matçı bərabərliklə yekunlaşıb (1:1) Oyuna start heyətində başlayan Vüsal 82-ci dəqiqədə əvəzlənib. “Boluspor” 30-cu dəqiqədə irəli çıxsa da, Kayambanın 37-ci dəqiqədə meydandan qovulması üzündən çətin vəziyyətə düşüb. Belədə meydan sahiblərinin 61-ci dəqiqədə hesabı bərabərləşdirməsi təəccüb doğrumayıb.
Vüsalla əlaqə saxlayıb ilk oyunla bağlı təəsüratını öyrəndik. Onun "Football-plus.az"a söylədikləri:
"Maraqlı oyun keçdi. Çox heyf, 1:0 iləridə olanda qırmızı vərəqə aldıq. Geri qalan 65 dəqiqədə azlıqda mübarizə apardıq. Bir neçə gündü düşərgədəyəm. Özümü çox yaxşı hiss edirəm. Oyunçular, məşçi heyəti - hər kəs çox dəstək oldu. Artıq kollektivlə səmimi münasibət yaranıb. Bu liqa mənə yad deyil. Bura böyük ümidlərlə gəlmişəm. Bacardığım qədər kluba kömək etmək istəyirəm. İlk matçda hər şey gözlədiyim kimi oldu. Təəssüf ki, oyun heç-heçə bitdi. Gələn turlarda qələbə qazanıb azərkeşlərimizi sevindirərik".
GÜNAY SÜLEYMANOVA
Digər xəbərlər
