"Bildiyiniz kimi, "Araz Saatlı" olaraq, məqsədimiz yalnız çempionatda iştirak yox, həm də peşəkarlaşmaq yolunda böyük addımlar atmaq və bölgəmizdə uşaq futbolunu inkişaf etdirərək istedadlı gəncləri ölkə futboluna qazandlrmaqdı. Qış fasiləsində komandamızda islahatlar aparırıq. Bir çox futbolçunu yola salmışıq. 2-ci yarıda bizdə daha çox fayda verəcək transferlər həyata keçirməkdəyik. Bundan başqa, klubumuzun tarixinı düşəcək addım da atmışıq. Heyətimizə Saatlı rayonundan olan iki yeniyetmə cəlb etmişik. U-15 liqasında mübarizə apadan komandamızdan 2 oyunçunu toplanışa dəvət etdik. Onlar arasında özünü daha yaxşı göstərən Ülvi Əvəzovla 3 illik müqavilə bağladıq. Onun 15 yaşı yenicə tamam olub. Rayonumuzun Dəlilər kəndindəndi. Yaşınlın azlığına rəğmən, gələcəyinin parlaq olacağına inanırıq. Digər oyunçu isə Bəylik kəndindən olan Hazar Əmirovdu. Onunla da mövsümün sonuna kimi müqavilə imzalamışıq. Hər 2 oyunçunu inkişafında maraqlıyıq".