"Bəli, razılıq əldə olunub. İnşallah, qış fasiləsindən sonra "Kəpəz"in heyətində meydana çıxacam. İnanıram ki, keçidim həm mən, həm də yeni komandam üçün uğurlu olacaq. Karyeramı "Səbail"də davam etdirmək yaxşı alınmırdı. Çünki əsasən, 80-ci dəqiqədən sonra oyuna daxil olurdum. Ehtiyat oyunçular skamyasında vaxt keçirməyin nə mənası var ki?! Bunun mənim üçün heç bir xeyri yox idi. Bununla yanaşı, "Səbail"in istər çempionluğa, istərsə də avrokuboklara iddialı olmasının fərqi yoxdu. Sabiq komandama uğurlar arzulayıram. İnşallah, istəklərinə çatarlar. Məncə, bütün futbolçular hər vəziyyətdə özünü, gələcəyini düşünməlidi. Bundan sonra bütün fikrimi "Kəpəz"ə yönəldəcəm".