Bir neçə gün öncə SSRİ-nin və Rusiyanın əməkdar məşqçisi, voleybolun xarizmatik fiqurlarından biri Nikolay Karpolla bağlı bir-birinə zidd iki xəbər yayıldı.

“Uraloçka-HTMK” klubunun “teleqram” kanalı günün əvvəlində Karpolun yekaterinburqluların baş məşqçi postunu tərk etdiyini xəbər verdi. Həmçinin baş məşqçi postunda onu nəvəsi, 2021/22 mövsümündə artıq “Uraloçka”nın əsas komandasına rəhbərlik edən nəvəsi Mixail Karpolun əvəz edəcəyi bildirildi. Kiçik Karpol buna qədər klubun gənclərini çalışdırırdı.

Günün ikinci yarısında isə böyük Karpolun baş məşqçi kimi işini davam etdirəcəyi deyildi. Klub rəsmilərindən biri TASS agentliyinə bu açıqlamanı verdi:

Xatırladaq ki, 85 yaşlı Karpol məşqçi karyerasına uzaq 1959-cu ildə başlayıb. O, iki dəfə Olimpiya Oyunlarının qalibi (1980, 1988), bir dəfə dünya (1990), yeddi dəfə Avropa çempionu (1979, 1989, 1991, 1993, 1997, 1999, 2001) olub. Əfsanəvi məşqçi “Uraloçka” ilə 11 dəfə SSRİ, 14 dəfə Rusiya çempionluğunu qazanıb.