Bu gün keçirilən iki oyunla ölkə kubokunun 1/8 final mərhələsinə yekun vurulub.

"Football-plus.az" xəbər verir ki, hər iki görüşü “CBC Sport” canlı yayınlayıb.

Ölkə kuboku, 1/8 final
21 dekabr
Qarabağ – MOİK 1:0
Nəriman Axundzadə, 90+3.
Hakimlər: Əli Əliyev, Şirmamed Mamedov, Taleh Məmmədov, Kamal Umudlu
VAR hakimi: Cavid Cəlilov
VAR hakiminin köməkçisi: Kamran Bayramov
Hakim-inspektor: Munis Abdullayev
AFFA nümayəndəsi: Emin Cəfərov
Xankəndi, şəhər stadionu. Saat 14.00.

Azərbaycan futbolu tarixi qarşılaşmayla doğma yurd-yuvaya dönür. Nəhayət, Xankəndidə matç izləmək arzusuna qovuşacağıq. Burda “Qarabağ”ın ölkə kuboku macərası başlayacaq və rəqib MOİK-di. Gərgin qrafiklə yoluna davam edən ağdamlılar bazar ertəsi derbidə “Neftçi”ni məğlub etdi – 2:0. Onların ötən həftə çətin avrokubok sınağından üzüağ çıxdığını da nəzərə almalıyıq. Belədə komandanın yorğun görünmək ehtimalı böyükdü. Əksini isə ordu klubunda görürük. 1-ci liqa təmsilçisi sonuncu dəfə dekabrın 13-də meydana çıxıb və 11-ci tur çərçivəsində “Zaqatala”nı 2:1 hesabıyla yenib. Turnir cədvəlinin 2-ci pilləsində “hərbçilər” çempionatdakı hədəfindən də uzaq deyil. Ümumiyyətlə, hər iki komandanın baş məşqçisi futbolçularına inandığını və yaxşı nəticəyə köklənəcəklərini deyir. Təbii ki, favoriti premyer-liqanın qış çempionu “Qarabağ”dı. “Hərbçilər” yalnız layiqincə müqavimət göstərməyə çalışa bilər.

Neftçi – Qaradağ Lökbatan 4:0
A. Olenare, 23 (p.), M. Qayalı, 73 (ö.q.), Y. Boqomolski, 77, A. Şinyaşiki, 80
Hakimlər: KAMRAN ƏLİYEV, Elşad Abdullayev, Teymur Teymurov, Vüqar Həsənli.
Hakim-inspektor: Babək Quliyev.
AFFA nümayəndəsi: Azər Əsgərov.
Bakı, “Neftçi Arena”. Saat 18.00.

“Neftçi”nin işləri yolunda getmir. Daha doğrusu, mövsümöncəsi hədəfinə uyğun çıxış etməyən komandada məyusluq hökm sürür. “Qarabağ”la matçdakı məğlubiyyət isə işləri bir az da korlayıb. Bu üzdən kubok uğrunda mübarizəyə qələbə ilə başlamaq çox vacibdi. Adrian Mutunun yetirmələri məhz bu turnirdə azarkeşlərin könlünü ala bilər. Rəqib ciddiyə alınmalıdı. “Qaradağ Lökbatan” 1-ci liqada liderliyə yüksələn və zirvəni əldən vermək niyyətində olmayan komandadı. Azər Həşimovun yetirmələri mübarizliyi ilə seçilir. Deməli, “ağ-qaralar”ın qələbə arzusu asanlıqla reallaşmaya bilər. Düzdü, məğlubiyyət ehtimalı elə də yüksək deyil, amma futbolda – xüsusən də kubokda - sensasiyalar bəzən qaçılmaz olur. Yəqin ki, “Neftçi”nin rumıniyalı baş məqşçisi bütün ehtimalları nəzərə alacaq. Azər Həşimov amilini də...

KƏNAN BAHADIR