"İkinci mərhələ çərçivəsində burdayıq. Bilindiyi kimi, ikinci mərhələ Frankfurtda keçirilir. Əsasən, klub idarəçiliyində hansı uğurlu addımların atıla biləcəyi müzakirə olunur. Frankfurt "Ayntraxt"ının və “Maynts-05"in stadion, baza və akademiyalarında olduq. Klub rəsmiləri ümumi durum haqda bizə geniş məlumat verdi. Onlar illər ərzində tətbiq edilən strategiyaların uğurlu və uğursuz tərəfləri haqda danışdı. Belə ki, işlər alınmayanda nəticələrin araşdırılması və səbəblərin müəyyənləşdirilməsi yönündə atılan addımları bizimlə bölüşdülər. Təbii ki, istənilən layihənin müsbət cəhətlərindən yararlanmaq mümkündü. Düşünürük ki, ölkı futbolunun inkişafı baxımından bundan sonra yeni addımlar atmaq üçün gec deyil. Buna əsasən taktikaları öyrənib Azərbaycan klublarında və iştirakçısı olduqları liqalarda tətbiq etmək planımız var. Onsuz da demək olar ki, AFFA-nın və  klubların hər birinin rəsmiləri bizlə birgədi. Əlbəttə, hər kəs öz sahəsi üzrə lazımi məlumatları mənimsəməyə, işdə tətbiq etməyə çalışacaq. Bu gün “böyük beşlik” ölkələrinin təcrübəsini ölkəmizdə tətbiq etmək çətindi. Burda bundesliqada qalmaq uğrunda mübarizə aparan "Maynts-05" və daha üst səviyyədə olan "Bayer-04" rəsmiləri təlimlərdə biliklərini bölüşür. Hər birinin özünəməxsus faydalı layihələri var. Klub idarəçiliyi də ön planda olan məsələlərdən biridi. Bu sahədə federasiyaların yanaşması, uzun- və qısamüddətli strategiyaların qurulması kimi mövzularda öyrədici iclaslar olur. Bu gün son gündü. Almaniya Futbol İttifaqına gəlmişik. Onların bazasında da klub idarəçiliyi ilə bağlı müxtəlif təlimlər keçirilir. Sonda AFFA rəsmilərinə belə layihələrdə iştirak edə bilmək üçün şərait yaratdığına görə təşəkkür edirik. Çalışacağıq ki, gələcəkdə öyrəndiklərimizdən maksimum yararlanaq. Onu da qeyd edim ki, üçüncü mərhələ fevral-mart aylarında Bakıda olacaq. Biz isə dekabrın 9-u, axşam saatlarında Bakıya qayıdacağıq"