"Çempionat başlayandan biz hələ ev oyununu doğma İmişlidə keçirməmişik. Bunun da əsas səbəbi odu ki, stadionumuz çoxdan yararsız vəziyyətdəydi. Yenilikcə təmir olunaraq 1-ci liqadakı təmsilçi "İmişli"nin sərəncamına verilib. Çempionat başlayandan ev oyunlarımızı Saatlı stadionunda keçiririk. Təbii ki, belə olanda oyunlarımıza azarkeş gəlməyəcək. Məsafə fərqini, yol pulunu və s. nəzərə alanda heç kim gəlməyəcək. Amma sizə əminliklə deyirəm ki, oyun İmişli şəhər stadionunda keçirilsə, ən azı 3 min azarkeş tribunaları dolduracaq. O günü gözləyirik ki, doğma publika önündə oynayaq".

"Azarkeşlərimiz bizdən küsməyib. Sadəcə, oyunlarımızı keçirdiyimiz Olimpiya İdman Kompleksin şəhərin digər tərəfindədi, yəni mərkəzdən uzaqdı. Bu da azarkeşlərın az gəlməsinin birinci səbəbidi. Dədə-baba stadionumuza qayıtsaq, bu məsələ həll olunacaq. Fanatlarımız tribunaları dolduracaq. Digər təsir edən məqam isə oyunların iş günlərində, özü də saat 14.00-15.00 radələlərində başlamasıdı. Təbii ki, belə vaxtda stadiona gələn olmayacaq. Çünki çox adam işdə olur. Hesab edirəm ki, oyunlar ya işdən sonra, ya da şənbə-bazar günləri olsa, azarkeşlərin də sayında artım olacaq".