"İkinci liqanın gərgin keçməsi bizi sevindirir. Həqiqətən də mövsüm başlamamış düşünmədəyimiz proseslər baş verir. Xal fərqinə baxsaq, bir-birinə yaxın 5-6 komanda var. "Baku Sportinq"ə gəlincə, çox təcrübəli komandadı. Bizdə isə gənc oyunçular üstünlük təşkil edir. Aramızdakı fərq də budu. Ağır, həm də maraqlı oyun olacaq. Matçın axarına və sonra nələri düzgün edib-etmədiyimizi təhlil edəcəyik. Burda əsas məqam da futbolçularımın oyuna hansı tərzdə yanaşmasıdı. İki əsas oyunçumuz yoxdu. Bunlar ötən oyunda qırmızı vərəqə alan Əliəkbər Şəbiyev və müdafiəçimiz Elşaddı. Yenə də vurğulayım ki, əsas oyunçuların bu görüşə köklənməsi yaxşı olmalıdı. İnamımız və ümidimiz var ki, bu matçda qalib gələrik. Hələ qarşıda matçlarımız var. İnşallah, yaxşı olacaq".

"Artıq bir neçə gündü diqqətimizi bu oyuna yönəltmişik. Bizim də əsas məqsədimiz çempionluqdu. Bu yolda prinsipial rəqiblərdən biri də "Cəbrayıl"dı. İstəyirik ki, bu oyunu qələbə ilə başa vuraq və xal fərqini artıraq. Rəhbərliyin, məşqçilər heyətinin, futbolçuların da fikri meydanı qələbəylə tərk etməkdi. Rəqibdə itkilər də var. Lakin çempionluğa oynayan komanda olduğu üçün onların da yerini dolduracaq futbolçular var".