“Ntvspor.net” Futbol üzrə Keniya millisinin baş məşqçisi Əngin Fıratın təklif aldığı ölkələrin siyahısını açıqlayıb. Maraqlıdı ki, siyahıda Azərbaycanın da adı var.

Türkiyə mətbuatının iddiasına görə, mütəxəssisin xidmətində Kosovo yığması da maraqlıdı. Həmçinin Fırat Qətər və Səudiyyə Ərəbistanı klublarından, Rusiya ÇSKA-sı və “Rubin”i tərəfindən də işə dəvət edilib. O, daha əvvəl Moldova yığmasına, İranda “Sepahan”, “Fulad”, Türkiyədə “Karabükspor”a rəhbərlik edib.

Bəs mətbuatda belə xəbərlərin dolaşdığı günlərdə Canni de Byazi nə işlə məşğuldu? İtaliyalı dünən 1-ci liqanın 5-ci turunun “Şamaxı” – “Mingəçevir” və Misli premyer-liqasının 10-cu turunun “Səbail” – “Neftçi” oyunlarını stadiondan izləyib. Bu gün isə “Sabah” – “Sumqayıt” matçına baxacaq.

Qeyd edək ki, AFFA-nın De Byaziylə müqaviləsinin müddəti noyabrın sonuna qədərdi.

KƏNAN BAHADIR