"Hansı yöndən yanaşsaq, ağır və xoşagəlməz statistikadı. Dediklərim uğursuzluğa haqq qazandırmaq üçün deyil, amma iki aya, tez-tələsik komanda yığdıq, heyətdə yer alanların çoxu peşəkar təcrübəsi olmayan gənclərdi. Görünür, hələlik döyüşkən komanda yarada bilməmişik. Odu ki, heyəti yenidən quracağıq. Komandanın ən azı 50 faizi dəyişəcək. Güclənməliyik. Hazırda "Neftçi-2" də çıxış edən, Cənubi Azərbaycanın Urmiya şəhərindən olan Elşən Sabahı heyətimizə cəlb etmişik. Transfer çalışmalarını davam etdirəcəyik. Legioner transferində də maraqlıyıq və menecerlərlə danışırıq. Qısa müddətdə komandadakı uğursuzluğu aradan qaldırmağa çalışacağıq".