Rəşad Nəbiyev cüdo millimizin çıxışını dəyərləndirdi
Azərbaycan Cüdo Federasiyasının prezidenti Rəşad Nəbiyev millinin Bakıda keçirilən "Böyük Dəbilqə" turnirindəki çıxışını dəyərləndirib.
"Football-plus.az" xəbər verir ki, qurum rəhbəri bununla bağlı "X" səhifəsində paylaşım edib.
R.Nəbiyev 5 medal qazanan cüdoçulara uğurlu çıxış münasibətilə təbriklərini çatdırıb:
“Cüdoçularımız Ümummilli Lider Heydər Əliyevin 100-cü ildönümünə həsr olunan Bakı Böyük Dəbilqə turnirində 3 qızıl, 1 gümüş və 1 bürünc medal qazanaraq, ümumi hesabda və kişilər arasında birinci yerə çıxdılar. İdmançılarımızı ürəkdən təbrik edir və yeni uğurlar arzulayıram”.
Qeyd edək ki, "Böyük Dəbilqə" turnirində Yaşar Nəcəfov (66 kq), Hidayət Heydərov (73 kq), Zelim Tçkayev (81 kq) qızıl, Leyla Əliyeva (48 kq) gümüş, Zelim Kotsoyev (100 kq) isə bürünc medal əldə ediblər.
Digər xəbərlər
