“The Chess Journal” yaxınlarda maraqlı tədqiqat aparıb.

“Football-plus.az” xəbər verir ki, adı çəkilən nəşr ən çox qazanan şahmatçıların siyahısını hazırlayıb. İlk iki pillədə dünya şahmatının əfsanələri – Anatoli Karpovla Harri Kasparov qərarlaşıb (hərəyə 50 milyon dollar). Norveçli əfsanə Maqnus Karlsenin sərvəti 30 milyon dollar qiymətləndirilir. Bəs 4-cü yerdə kim olsa, yaxşıdı? Bəli-bəli, bizim Teymur Rəcəbov! O, indiyə qədər 20 milyon dollar qazanıb. Səviyyəsinə görə yuxarıda adı çəkilən ilk üç şahmatçıya yaxın düşməyən, karyerası boyunca yalnız dünya kubokunu qazanmaqla öyünən Teymurun bu qədər pulu necə qazandığı çox maraqlıdı.