"Komandamızın ev oyunlarını Lerikdə yerləşən “Gənclik” stadionunda keçirəcəyini, lakin hələ ki həmin arenadan təmirlə bağlı istifadə edə bilməyəcəyimizi açıqlamışıq. Buna qədər isə oyunlarımız Lənkəranda yerləşən Olimpiya Kompleksinin stadionunda baş tutacaq. Əvvəlki açıqlamamız "Xəzər Lənkəran" Mərkəzi Stadionunda oyunlarımızın keçirilməyəcəyi ilə bağlı idi. Bununla bağlı sosial şəbəkələrdə yanlış məlumatlar dərc olunurdu. O ki qaldı Masallı və Cəlilabaddakı komplekslərə, onların şəraiti oyunları keçirməyimiz üçün uyğun deyildi. Buna görə də Lənkərana üstünlük verdik. Bizim amalımız cənub bölgəsini peşəkar səviyyədə uğurla təmsil etməkdi. Düşünürəm ki, burda hansı şəhərdə oyunun keçiriləcəyi bir o qədər önəmli deyil. Bir daha xatırladım ki, biz Lənkəranda müvəqqəti məskunlaşmışıq. Lerikdəki stadion təmir olunandan sonra komandamız oyunlarını məhz orda keçirəcək".

"Lənkəran Olimpiya Kompleksinin stadionu şəraitinə görə daha əlverişlidi. Bildiyiniz kimi, qış aylarında da oyunlarımız olacaq, bu baxımdan süni ot örtüklü meydança bizə qarşılaşmaları qəbul etməyə imkan yaradır".