İsveçliyə dəstək verdi: "Qarabağ" illərdi ciddi rəqabət görmədən çempion olur”
"Yurqorden"nin baş məşqçisi Tomas Laqerlef Azərbaycan çempionatını aşağılayıb.
O, Musa Qurbanlının formasından danışarkən hələ İsveç çempionatının tempinə tam uyğunlaşmadığını bildirib. Mütəxəssisin sözlərinə görə, yığmamızın üzvü "Qarabağ" kimi güclü klubda oynasa da, çempionatdakı başqa komandalar çox zəifdi. Belə yanaşma nə dərəcədə ədalətlidi? "Football-plus.az" saytının bu sualına menecer Tural Əsgərov cavab verdi:
"Tomas Laqerlefi qınamaq lazım deyil. Adam çox doğru deyir. Məgər çempionatımızda daim güclü, rəqabətli mövsüm görürük? Demək olar ki, "Qarabağ" illərdi ciddi rəqabət görmədən çempion olur. Bir az ötən mövsüm rəqabətli çempionat gördük. Buna rəğmən, bizdəki rəqabət həqiqətən də Avropa ölkələrinin çempionatları ilə ayaqlaşmır. Burda aşağılamadan söhbət gedə bilməz. Bu acı reallıqdı".
ABDULLA İSMAYILOĞLU
