"PFL rəsmiləriylə görüşümüz alındı. Bir çox məsələlərlə bağlı geniş və yaxşı müzakirələr apardıq. Bildiyiniz kimi, artıq sponsorumuz da var. Komandanın “sükanı arxasına” təcrübəli mütəxəssis Əsgər Abdullayevi gətirdik. Amma bütün bunlar o demək deyil ki, çempionata hərtərəfli hazırıq. İnfrastukturla bağlı problemlərimiz qalmaqdadı. Məsələn, stadionda təmir-yenidənqurma işlərinə çox xərc çəkmişik. Ona görə stadionu birilliyə icarəyə götürmək bizə sərf etmir. Bu müddət qoyduğumuz yatırımla uzlaşmır. Məhz bu səbəbdən futbol məkanını uzunmüddətli icarəyə götürmək istəyirik. Yaxın günlərdə bu istəyimizə nail olmağa çalışacağıq. Qazonla bağlı problemlərimiz də qalmaqdadı. Hazırda İmişlidə hava çox istidi. Ona görə də ot örtüyü ilə bağlı arzuladığımız işləri həyata keçirə bilmirik. Biz təbii qazona sahib olmaq istəyirik. Digər bu kimi nöqsanlarımız da var. Onları aradan qaldırmaq üçün var gücümüzlə çalışırıq. Amma çempionatın startına qədər işləri tam yekunlaşdıra bilməyəcəyik. Bunu PFL rəsmilərinə də bildirmişik. Ola bilər ki, ilk turun oyunlarını bizə bizə yaxın olan rayonlarda, ya da Bakıda keçirək. Hazırda "Dalğa Arena"da hazırlaşırıq. Ehtimal var ki, ilk oyunları elə burda keçirək. Bundan başqa, 1-ci liqada klublar arasında münasibətləri və fəaliyyətləri həyata keçirmək üçün klubların bir araya gəlməsini təklif etdim. Bütün klub rəsmiləri və PFL nümayəndələri təklifə müsbət reaksiya verdi. Hazırda bütün 1-ci liqa təmsilçilərini birləşdirən “vatsap” qrupu yaratmışıq. Gələcəkdə məqsədimiz bu işi reallığa çevirməkdi. Necə ki, elitada Klublar Komitəsi var, çalışacağıq ki, 1-ci liqada da belə bir təşkilat, qurum olsun. Məqsədimiz 1-ci liqanı daha da peşəkarlaşdırmaq, gücləndirmək və ölkə futboluna xidmət etməkdi".

"PFL-də bizə əsasən infrastrukturla bağlı iradlar bildirildi. Futbol məkanımızın minimum standartlara cavab verməsi üçün maksimum çalışırıq. Yaxın günlərdə stadionumuza təftiş üçün komissiya göndəriləcək. Məkanımıza baxış keçirdikdən sonra oyunlara hazır olub-olmadığına qərar veriləcək. Əlavə irad və nöqsanlar da var. Onları da qısa zaman kəsiyində aradan qaldırmağa çalışacağıq. Demək olar ki, heyətimiz yenidən qurulur. Legioner futbolçuya ehtiyac duymayacağıq".

"Bizə o dərəcədə irad tutulmayıb. PFL-in ilkin tapşırıqlarını yerinə yetirilmişik. Qarşıdakı günlərdə stadionumuzə və infrastrukturumuza təftiş göndəriləcək. Ondan sonra əlavə hansısa nöqsan və qüsurlarımız olacaqsa, onları da canla-başla aradan qaldıracağıq. Əsas məsələ kimi futbol bazarında oyunçu qıtlığından danışıldı. Yerli futbolçuları tapmağın çətinliyi, keyfiyyətli olmayan oyunçuların qiymətlərinin süni artımı, çempionat oyunlarının yayını, maliyyə və s. haqda müzakirələr getdi. Çempionata hazırlığı davam etdiririk. Qarşıda bizi çox gərgin futbol mövsümü gözləyir".

Sabir Qarayev (“Difai”nin prezidentinin köməkçisi və mətbuat katibi): "Bildiyiniz kimi PFL-də keçirilən iclasda klubların 2023/24 mövsümünə hazırlığı müzakirə olunub. Komandamıza qarşı hansısa iradların olub-olmaması ilə bağlı sualınıza cavab kimi bildirmək istəyirik ki, PFL tərəfindən stadionumuza baxış keçirilən zaman müəyyən çatışmazlıqlar aşkarlanmış, onların aradan qaldırılması üçün kluba vaxt verilmişdi. Klubumuz həmin nöqsanları aradan qaldırıb. Lakin mövsümortası hansısa çətinlik yaranmaması üçün öz tərəfimizdən qabaqlayıcı işlər görürük".

"Yetərincə maraqlı müzakirələr oldu. Klub rəhbərləri məsələyə səmimi münasibətlərini bildirdilər. Klublardan sponsorları olanlar daha hazırlıqlı təsir bağışlayırdılar ki, bu da normaldı. 1-ci liqada yarışlar sentyabrın 13-də start götürməlidi. Avqustun 14-də Zaqatala rayon İcra Hakimiyyəti və Futbolun İnkişaf Fondunun təşəbbüsü ilə sponsorluq məsələsinin müzakirəsi üçün rayonda tədbir keçiriləcək. PFL-dəki görüşdə klublar qarşısında qoyulan tələblərə də klub rəhbəri kimi münasibət bildirmək fikrindəyəm. Bütövlükdə PFL-in mövqeyi və yanaşması çox maraqlı və gərgin yarışın olacağından xəbər verir. Komandaların tam hazır olmaması başadüşüləndi. Qalan vaxtdan səmərəli istifadə dtməyə çalışacağıq".