“Baba kimi həyatım necə keçir? Onsuz da buna qədər də xarici görünüşcə babaya oxşayırdım. İndi isə həqiqətən də baba oldum! Bizim üçün bu, göydəndüşmə oldu. Çünki həyat yoldaşımla birlikdə 4 həftəni yeni doğulmuş körpə ilə keçirərək onun necə böyüdüyünü izlədik. Hər şey əladı. Uşaq da, valideynləri də özlərini yaxşı hiss edirlər. Bu dünyanın bu cür balaca və gözəl yeni sakinini salamlamaq son 30 ildə yaşadığım ən gözəl hissdi. Hazırlıq dönəmi öz axarıyla irəliləyir. Düzdü, hələ də bəzi oyunçularımız yoxdu. Kertis Cons və Harvi Elliot hələ də düşərgəyə qoşulmayıb. Bayçetiçlə Alkantara isə zədələidi. Daha bir neçə oyunçu məşqlərdə iştirak etmir. Amma əhval-ruhiyyə qaydasındadı. Hər kəs yeni enerji ilə mövsümə hazırlaşır. Düzdü, budəfəki fasilə həmişəkindən bir qədər uzun oldu. Amma hər birimizin bu tətilə ehtiyacı var idi. Futbolçular qayıtdıqdan sonra ciddi sürprizlər görmədim. İndi futbolçular əvvəlki illərdə olduğu kimi 5-6 kq artıq çəki ilə qayıtmırlar. Hamısı əsl peşəkardı. İndi məşqçi kimi mənim əsas hədəfim onların fiziki formalarını bərpa etmələrinə yardım etməkdi. Tətildə oyunçular boş dayanmırdı. Hamısı verdiyimiz proqram üzrə çalışırdı və buna görə də onlara minnətdaram. Düzdü, bəziləri çəki limitini az da olsa, aşıblar. Amma bu normaldı”.