“Neftçi” - “Qəbələ” finalının hesabını bu jurnalistlər tapıb
Ölkə kubokunun "Neftçi" - "Qəbələ" matçında PFL maraqlı jest etdi.
Stadiona toplaşan jurnalistlərdən oyunun (90 dəqiqə) dəqiq hesabı yazılı şəkildə öyrənildi. Əsas vaxt qolsuz başa çatdı. Əlavə vaxtda isə bölgə təmsilçisi 1 qol vurmaqla oyunun taleyini həll etdi.
Görəsən, jurnalistlərdən neçəsi qarşılaşmanın dəqiq hesabını yazıb? "Football-plus.az" saytı olaraq bunu aydınlaşdırmaq üçün PFL-in media və marketinq direktiru Sənan Abdullayevlə əlaqə saxladıq:
"4 nəfər qalib oldu. Bunlar İTV-dən Orxan Əliyev, “oxu.az”dan Faiq Tahirov, “flashscore.com.ua” saytının Azərbaycan üzrə əməkdaşı Ayaz Quliyev, “azeripress.az”dan Fərəc Aslanovdu. Qaliblərin hər birinə sponsorumuz “Buta Global Enerji-Tekstil” şirkətindən 100 manatlıq hədiyyə kartı veriləcək. Onlar şirkətin istənilən mağazasına yaxınlaşıb alış-veriş edə bilərlər”.
ABDULLA İSMAYILOĞLU
Digər xəbərlər
