“Barselona”nın prezidenti Xuan Laporta bugünlərdə klubun maliyyə durumu ilə bağlı hesabat verib.

Onun dediyinə görə, rəhbərlik mənfi maaş saldosunu ardan qaldıra və hətta 98 milyon avro qazanc götürə bilib:

Laportanın rıçaqlarının “Barsa”nın gələcəyinə nə dərəcədə ciddi təsir göstərəcəyini demək çətindi, hər halda, klub pul əvəzində teleyayın hüququnun böyük hissəsini satmalı olub. Amma yeni prezident Bartomeu dönəminin “bazar” ab-havasını xeyli dərəcədə aradan qaldırıb. Laportanın əsas xidməti heyətin güclənməsi ilə paralel maaş fondunun azaldılmasıdı ki, klub bunun sayəsində La Liqanın xərclər limitinə uyğunlaşa bildi. Bunun üçün xüsusən də artıq oyunçuların başqa klublara keçidi yönündə çox iş görmək lazım gəldi. Düzdü, planları ideal şəkildə həyata keçirmək mümkün olmadı. Breytveyt, Yumtiti, Pyaniç, Puç, Mingesa – bütün bunlar, klubla müqaviləsi olmasına rəğmən, azad agent kimi ayrıldı. Ancaq daha bir bərbad vidalaşma tarixçəsi var. Məşhur goal.com saytı yaxınlarda Qrizmannı “Barsa”nın yeni əsrdəki ən fiasko transferlərinin reytinqində 2-ci yerə qoyub. Birinci pillədə Filippe Koutinyodu. Bu futbolçuların əsaslandırılmayan qiymətləri və maaşları klubu maliyyə uçurumuna yaxınlaşdırdı. 135 milyon avroya alınan Koutinyo ötən yay “Aston Villa”ya 20 milyona satıldı. Qrizmann ilə bağlı tarixçə daha pisdi – “Atletiko” Antuanı 20 milyon avro müqabilində ikiilliyə icarəyə götürmüşdü ki, sonradan da 40 milyona alsın. Yəni “Barsa” fransalıya görə xərclədiyi pulun, heç olmasa, yarısını “diriltmək” istəyirdi. Ancaq bu da mümkün olmadı. İşləri korlayan mümkün alışla bağlı bənd oldu. Əvvəlcə deyilirdi ki, Madrid klubu gələn ilin yayında Qrizmannı almağa məcburdu. Sonradan aydın oldu ki, madridlilər yalnız hücumçu iki mövsüm ərzində oyunların 50 faizində ən azı 45 dəqiqə oynayacağı təqdirdə ona görə 40 milyon ödəyəcək. Hazırda ciddi maliyyə çətinliyi yaşayan “Atletiko” üçün belə şərt qəbulolunmazdı. “Hindular” hiyləgərliyə əl atmaqdan başqa çıxış yolu tapmadı. Simeone Qrizmannı istisnasız 65-ci dəqiqədən sonra meydana buraxmağa başladı. Sentyabrın əvvəlində hətta belə xəbər yayıldı ki, “Barsa” futbolçunu qəsdən az oynatdığına görə “Atletiko”nu məhkəməyə verəcək. Ancaq hüquqi baxımdan bu məsələyə baş qoşmağa dəyməzdi: futbolçunu meydana buraxıb-buraxmamaqla bağlı qərarı enində-sonunda baş məşqçi verir.

Eyni zamanda şayiə yayıldı ki, “Atletiko” Qrizmannın agenti vasitəsi ilə futbolçunun müqavilə hüququnu almaq üçün “Barsa”ya 15 milyon avro təklif edib. Bu məbləğ üç il ərzində ödəniləcəkdi. Necə olur-olsun, “Barsa”ya sövdələşməyə razılıq verdi - əks təqdirdə futbolçu mövsüm bitəndən sonra Kataloniya klubuna dönəcək, onun dönüşü isə maaş fonduna ciddi təsir göstərəcəkdi. Antuan sentyabrın 18-də ilk dəfə start heyətində göründü, ardından ÇL-də “Brügge”yə qarşı tam oynadı. Oktyabrın 9-da isə “Barsa” Qrizmannı “Atletiko”ya satdığını açıqladı. Kataloniyalıların idman direktoru Mateo Alemaninin dediyinə görə, Antuan 20 milyon avroya satılıb, “Barsa” bonuslar şəklində daha 4 milyon qazana bilər. “Mundo Deportivo” bu transferlə bağlı daha bir maraqlı detal açıqlayıb. “Atletiko” sonradan hücumçunu 18 milyon avrodan baha sata bilsə, həmin pul “Barsa”nın hesabına köçəcək. Bu xəbəri sonradan Laporta da təsdiqlədi: