“Qarşılaşma gözlədiyimizdən də gərgin keçdi. Futbolçular çox sürətli çıxış etdi. Təəssüf ki, müdafiədə çoxlu səhvə yol verdik. Bütün epizodlar tərəfimizdən təhlil ediləcək və çatışmazlıqların aradan qaldırılması istiqamətində ciddi tapşırıqlar veriləcək. Qapımıza vurulan qollar məni məyus etdi. Düşünürəm ki, həmin epizodların qarşısını ala bilərdik. Matç haqda deyilənlərə gəlincə, belə söhbətlər xoşagələn hal deyil, qəbuledilməzdi. “Araz Naxçıvan” bütün oyunları idman prinsiplərinə uyğun keçirir. Futbol mütəxəssisləri çıxışımızı canlı izləyib. Bu günə qədər heç bir problem yaşamamışıq. Belə qələbələr Azərbaycan tarixində tez-tez ələ düşmür. Sevinirik ki, əlamətdar matça bizim komandamız imza atdı. Buna baxmayaraq, var gücümüzlə çalışırıq. Əsas qarşılaşmalar öndədi. Bütün baş məşqçilər istəyər ki, komandası layiqli qələbələr qazansın, lider statusu daşısın. İnanıram ki, “Araz Naxçıvan”ı daha böyük uğurlar gözləyir”.

“Elə ağır ittihamla çıxış etmək kökündən yanlışdı. Oyunun şəffaflığına əmin olmaq üçün, sadəcə, izləmək yetərlidi. Hər kəs gördü ki, hesab elə ilk dəqiqələrdən açıldı və qol epizodları intensivləşdi. Bizim də, rəqib komandanın da müdafiəsi kobud səhvlərə yol verdi. Oyun həddən artıq gərgin olduğundan komandalar qarşılıqlı büdrədi. Elə sürətli matçın nəticəsi başqa cür ola bilməz”.