"Azarkeşlərin arenaya rahat çatmasını istəyirik. Bu səbəbdən də Bakı Nəqliyyat Agentliyinə müraciət etmişik. Onlar da buna müsbət cavab verib. Şəhərin müxtəlif yerlərindən BOS-a gəlmək və geri qayıtmaq üçün avtobuslar ayıracaqlar. Stadiondan ictimai nəqliyyat nöqtələrinə getmək üçün xüsusi taksilər ayrılacaq. Bunun üçün şirkətlərin biri ilə əməkdaşlıq edəcəyik. Bundan başqa, Bakı Metropoliteni də gücləndirilmiş iş rejimində fəaliyyət göstərəcək. Onlar da müraciətimizi müsbət qarşılayıblar. Sizin vasitənizlə bizə dəstək olan bütün qurumlara təşəkkür edirik".