“İtaliya klublarına azərbaycanlı oyunçuları məsləhət görmüşəm. Bir hadisə danışım. Təzə gəldiyim vaxtlar idi. Bir oyunu izləyirdim. Matç keyfiyyət baxımından çox xoşuma gəldi. Həmin vaxt “Atalanta”nın idman direktoru vəzifəsində çalışan Covanni Saltoreyə zəng etdim. Hazırda o,”Bolonya”da çalışır. Dedim ki, bir futbolçu var, çox bəyəndim. Məsləhət gördüm ki, ona mütləq baxsınlar. Covanni mənə müsbət cavab verdi, maraqlanacaqlarını söylədi. 2-3 oyunda həmin futbolçuya xüsusi fikir verdim. Dostuma zəng edərək səhvə yol verdiyimi söylədim. Futbolda iki faza var: həm müdafiədə, həm də hücumda komandana kömək etməlisən. Oyunun elə hissəsi ola bilər ki, çox yaxşı çıxış etmişdi. Amma ümumilikdə matç ərzində çox görünmədi. Başqa çempionatda həmin futbolçu üçün çox çətin ola bilərdi. Başqa bir oyunçu var idi ki, onu “Torino”ya təklif etmişdim. Hələ də izləyirlər. Mən bunu milli komandanın mənafeyi üçün etmişdim. Təcrübə baxımından bizə çox fayda verə bilər. Başqalarının da İtaliyaya yolunu aça bilər. Məsələn, Kvaratsxeliya “Napoli”də oynaması Gürcüstan çempionatına və yığmasına İtaliyada maraq yaradıb”.