Rövşən Hüseynli Yunanıstanla Polşaya qol vurmaq istəyir - MÜSAHİBƏ
Yunanıstan və Polşa ilə oyunlar üçün “Atırau”dan ayrılaraq Bakıya, yığmanın düşərgəsində gələn Rövşən Hüseynli bu gün millinin açıq məşqindən əvvəl jurnalsitlərin sullarını cavablandırdı.
“Football-plus.az” xəbər verir ki, qolkiper klbunda olduğu kimi, yığmada da qol vurmaq istəyir.
- Yunanıstanla oyundan gözləntiniz nədi?
- Bu görüşə qələbə üçün çıxacağıq. Çünki bu baş verərsə, Polşa ilə səfər matçında bizi heç-heçə də qane edəcək. Belədə rəqib ancaq qələbəni fikirləşəcək.
- Rəqibin heç bir iddiasının qalmaması futzalçılarda arxayınlıq yarada bilər?
- Yunanıstanın iddiasının olmamasının bizdə arxayınlıq yaratması futzalçılar üçün düzgün yanaşma olmaz. Heç bir komanda zəif deyil. Yunanıstan yoldaşlıq görüşü keçirib, bizimlə matça maksimum hazırlaşıb. Qarşılaşmanın nəticəsi təkcə növbəti mərhələyə vəsiqə qazanmaq yox, reytinqə təsir baxımından da vacibdi. Peşəkar futzalçı belə yanaşa bilməz.
- “Atırau”da tez-tez qol vurursan. Yığmada da bunu təkrarlamaq istəyərsən?
- Qollar vurmağım çıxış etdiyim klubda üzərində işlədiyimiz müəyyən taktikanın bəhrəsidi. Əslində illərdi bu taktika üzərində çalışırdım. Ancaq burda olduğum zaman baş məşqçi bundan istifadə etmirdi. “Atırau”dakı görüşlərdən sonra bəlkə buna uyğun bir fikir formalaşar. Kollektivə bu gün qoşulmuşam, komandanın hansısa taktika üzərində işlədiyini bilmirəm. Baş məşqçi belə taktikadan yararlanmaq istəsə, bunları yerinə yetirmək istəyirəm. Klubumda vurduğum qolların davamını millinin heyətində Yunanıstan və Polşa önündə də gətirmək istəyirəm.
Qeyd edək ki, Azərbaycan millisi martın 3-də Bakıda Yunanıstan, 7-də isə səfərdə Polşa ilə üz-üzə gələcək.
RƏŞAD
Digər xəbərlər
