Bu gün Çempionlar Liqasında 1/8 final mərhələsinin daha 2 oyunu keçirilib.

Footbal-plus.az, hər iki qarşılaşma Bakı vaxtı ilə saat 00:00-da start götürüb.

15 fevral
Borussiya D – Çelsi 1:0
Kərim Adeyemi, 63
Hakim: Xesus Xil Mansano (İspaniya)
Cəzalı: yoxdu
Avokuboklarda qarşılaşmayıblar

Püşk atılan zaman bəlkə də çoxları “Çelsi” üçün bu dueldə aşkar favorit idi. Amma o vaxtdan bəri çox şey dəyişib. “Borussiya” bütün uğursuzluqları 2022-ci ildə qoyaraq bu təqvim ilinə mükəmməl start verib. Komanda 6 rəsmi oyunun heç birində büdrəməyib. “Çelsi” isə belə demək mümkünsə, hələ özünü axtarır və komanda kimi tam formalaşmayıb. Bu qədər çox transferdən sonra bu anlaşılandı. Amma istənilən halda Qrehem Potterin üzərində çox böyük təzyiq var. Komanda son 8 rəsmi oyunun yalnız birində qələbə qazanıb və premyer-liqada liderdən 20 xal geridədi. Təbii ki, bu, fanatların gözlədiyi nəticə deyil. Digər tərəfdən London nəhəngi çox qarışıq keçirdiyi və məşqçi dəyişikliyinə getdiyi mövsümlərdə ÇL-də yaxşı mənada təəccübləndirməyi bacarır. Təsadüfi deyil ki, komanda ÇL-in qalibi olduğu hər iki mövsümün (2011/12, 2020/21) gedişində məşqçisini dəyişmişdi. Bu qəribə məqam fanatları ümidləndirməyə bilməz. “Borussiya”nın İngiltərə klublarına qarşı keçirdiyi son 7 qarşılaşmanın hamısında məğlub olması maraqlı məqamdı.

Brügge – Benfika 0:2
Joao Mario, 51 (p.), David Neres, 88
Hakim: Davide Massa (İtaliya)
Cəzalı: yoxdu
Avokuboklardakı qarşılaşmayıblar

“Brügge” bəlkə də tarixinin ən təzadlı mövsümlərindən birini keçirir. Komanda bir tərəfdən tarixində ilk dəfə ÇL-in pley-offuna yüksəlibsə, digər tərəfdən daxili çempionatda liderdən nə az, nə çox – düz 20 xal geridədi. Bu təzad elə qrup mərhələsinin gedişində də hiss olunurdu. “Brügge” Portuqaliyanın digər nəhəngi “Portu” ilə eyni qrupa düşmüşdü. Belçika çempionu səfərdə 4 cavabsız qolla qalib gəlməklə yaxşı mənada təəccübləndirmişdisə, evdə eyni hesabla uduzmaqla pis mənada təəccübləndirdi. Yanvarın əvvəllərində baş məşqçi postuna ingiltərəli Skott Parker gətirilsə də, vəziyyət hələ ki düzəlməyib. “Brügge”nin son 9 rəsmi oyunda yalnız 1 qələbəsi var. Ona görə də həm bu mərhələlərdə daha böyük təcrübəyə malik, həm də daha yaxşı formada olan “Benfika”nı cütün favoriti saymaq mümkündü. Özü də “Benfika”nın avrokuboklarda Belçika klublarına qarşı keçirdiyi son 14 qarşılaşmada yalnız 1 məğlubiyyəti var (9 qələbə, 4 heç-heçə).