Bu gün birinci divizionda 17-ci turun növbəti oyunları keçirilib.

Football-plus.az xəbər verir ki, bu gün ötən tur “dincələn” “Sumqayıt-2” “Zirə-2”nin qonağı olub. Matç Bakı təmsilçilərinin 3:1 hesablı qələbəsi ilə yekunlaşıb. 16-cı turda son dəqiqələrdə “Turan Tovuz-2”yə məğlub olan “Şamaxı-2” bu dəfə Qəbələyə yollanıb. "Qəbələ-2" qonaqlarla heç-heçə edib. Qərb derbisində “Kəpəz-2” “Turan Tovuz-2” ilə qarşılaşmada premyer-liqada son turda “boz qurdlar”a uduzan “böyük qardaş”ın intiqamını almaq üçün meydana çıxsa da matç bərabərə sona çatıb. Mingəçevirli azarkeşlər isə “Zaqatala” ilə matçda sevimli komandalarını dəstəkləyib. Hər iki komanda 2 qolla kifayətlənib.

Qeyd edək ki, dünən cari mövsümdə qeyri-sabit çıxış edən “Qaradağ Lökbatan” evdə “Neftçi-2”ni sınağa çəkib. Matç "Qaradağ Lökbatan"ın 1:0 hesablı qələbəsi ilə başa çatıb.

Ötən tur “Zaqatala” ilə səfər matçında qələbəni son saniyələrdə əldən verən MOİK isə Binədə “Qarabağ-2” ilə üz-üzə gəlib. Fasilə dönəmində Qəzənfər Abbasovu baş məşqçi postuna gətirən ordu klubu onun rəhbərliyi altında ilk qələbəsini 3 cavabsız qolla qazanıb.

Sonda lider “Araz Naxçıvan” azarkeşlərinin gözü qarşısında qış fasiləsi ərəfəsində ardıcıl uğurlu nəticələr qazanan “İmişli” ilə münasibətləri aydınlaşdırıb. Azər Bağırovun çalışdırdığı Naxçıvan təmsilçisi 3:0 hesablı qələbə ilə meydandan ayrılıb.

Birinci divizion
2-ci dövrə, 17-ci tur

15 fevral

Zirə-2 – Sumqayıt-2 3:1
Samir Ağayev, 23 (1:0), Xəqani Sadıxov, 39 (2:0), Maqsud Ələkbərov, 81 (2:1), Xəqani Sadıxov, 90 (3:1)
Hakimlər: Kamran Əliyev, Asiman Əzizli, Aydın Bəxşiyev, Əkbər Əhmədov
Hakim-inspektor: İmanxan Sultani
AFFA nümayəndəsi: Bəhram Qurbanov
Bakı. ASK Arena. Saat 13.00

Qəbələ-2 – Şamaxı-2 1:1
Peyman Səmədli, 35 (0:1), Sənan Ağalarov, 38 (1:1)
Hakimlər: Namiq Bəkirov, Səbuhi Soltanov, Kərim Zeynalov, Rəsul Babayev
Hakim-inspektor: Feyzulla Zeyzullayev
AFFA nümayəndəsi: Seymur Səlimli
Qəbələ. Şəhər stadionu (ehtiyat meydan). Saat 14.00 (canlı/pfl.az)

Kəpəz-2 – Turan Tovuz-2 1:0
Elnur Cəfərov, 38 (1:0)
Hakimlər: Emin Əliyev, Ruslan Quliyev, Orxan İbişov, Səbuhi Bayramov
Hakim-inspektor: Rövşən Əhmədov
AFFA nümayəndəsi: Maşallah Əhmədov
Gəncə. Şəhər stadionu (ehtiyat meydan). Saat 14.00 (canlı/pfl.az)

Mingəçevir – Zaqatala 2:2
Cavid Məmmədli, 31 (1:0), Bəhruz Teymurov, 62 (1:1), Cəlal Cəbrayılov, 73 (1:2), Elvin Əliyev, 90+5 (2:2)
Hakimlər: Nicat İsmayıllı, Elman Kərimov, Qəzənfər Məmmədov, Elvin Bayramov
Hakim-inspektor: Əmrah İbrahimov
AFFA nümayəndəsi: Mübariz Hüseynov
Mingəçevir. Yaşar Məmmədzadə adına şəhər stadionu. Saat 14.00

14 fevral

Qaradağ Lökbatan – Neftçi-2 1:0
Sabir Allahquliyev, 43 (1:0)
Hakimlər: Tural İbrahimov, Vüqar Bayramov, Sənan Atayev, Rövşən Rəcəbov
Hakim-inspektor: Orxan Məmmədov
AFFA nümayəndəsi: Məmmədəli Məmmədov
Lökbatan. Olimpiya İdman Kompleksinin stadionu. Saat 14.00

MOİK – Qarabağ-2 3:0
İlham Allahverdiyev, 55 (1:0), İsa Zeynallı, 76 (2:0), Elmir Rəhimzadə, 90+1 (3:0)
Hakimlər: Şamil İmanzadə, Asif Abdullayev, Rasim Axundov, Mahmud Bağırzadə
Hakim-inspektor: Ömər Paşayev
AFFA nümayəndəsi: Eldəniz Musayev
Binə. Qəsəbə stadionu. Saat 14.00 (canlı/pfl.az)

Araz Naxçıvan – İmişli 3:0
Fəhmin Muradbəyli, 17 (1:0), Fəhmin Muradbəyli, 36 (2:0), Orxan Əliyev, 67 (3:0)
Hakimlər: Əli Əliyev, Rəhman Aslanov, Zakir Şükürzadə, İslam Məmmədov
Hakim-inspektor: Munis Abdullayev
AFFA nümayəndəsi: Yavər Rəhimov
Naxçıvan. Muxtar Respublika stadionu. Saat 15.00 (canlı/pfl.az)

1. Araz Naxçıvan 15 11 2 2 36-12 35
2. Turan Tovuz-2 15 10 1 4 28-13 31
3. Neftçi-2 15 10 1 4 31-19 31
4. Kəpəz-2 15 8 2 5 25-18 26
5. Qəbələ-2 15 7 3 5 26-17 24
6. Səbail-2 15 7 3 5 28-24 24
7. MOİK 15 6 4 5 25-26 22
8. Zaqatala 15 6 3 6 26-30 21
9. Şamaxı-2 15 6 2 7 20-28 20
10. Qaradağ Lökbatan 15 5 3 7 19-17 18
11. Zirə-2 15 4 4 7 13-20 16
12. Qarabağ-2 15 4 3 8 18-24 15
13. Mingəçevir 15 4 1 10 21-30 13
14. İmişli 15 4 1 10 14-38 13
15. Sumqayıt-2 14 2 3 9 15-29 9

Bombardirlər: Orxan Əliyev (Araz Naxçıvan) – 14, Rauf Əliyev (Kəpəz-2) – 11.