Ötən yaydan bəri “Barselona B”nin şərəfini qoruyan Əmrə Dəmirdən xəbər var.

Bilindiyi kimi, “Kayserispor”un yetirməsi olan 2004-cü il təvəllüdlü istedadlı futbolçu Kataloniya nəhəngi ilə hələ 2021-ci ildə razılıq əldə etmişdi.

Football-plus.az xəbər verir ki, anlaşmaya əsasən 2021/22-ni “Kayserispor”da keçirdikdən sonra Dəmir 2022-nin yayında “Barsa”ya yollanmışdı. Bu keçid “blauqrana”ya 2 milyon avroya başa gəlmiş və futbolçu ilə 2027-ci ilə qədər müqavilə imzalanmışdı. “Barsa” təcrübə toplaması və yeni mühitə uyğunlaşması üçün onu ikinci komandaya göndərmişdi.

Amma bu aylar ərzində işlərin Əmrə Dəmir üçün uğurlu getdiyini söyləmək çətindi. Hətta İspaniya mətbuatının yazdığına inansaq, rəhbərlik 18 yaşlı futbolçuya özünə yeni klub tapmağı və yanvarın sonuna qədər ayrılmağı məsləhət görüb! Əslində bunu gözləmək olardı. Çünki Əmrə “Barselona B”də faktiki oynamır və gününü ehtiyat oyunçular skamyasında keçirir. Komanda İspaniyanın 3-cü divizionunda mübarizə aparır. Əmrə bu mövsüm 19 turun yalnız ikisində oynamaq şansız qazanıb və ümumilikdə cəmi 24 dəqiqə meydanda olub. Rəhbərlik Dəmirin performansından narazıdı. Bu futbolçu hələ də Kataloniyaya uyğunlaşa bilməyib. İspan və ingilis dilində danışa bilməməsi onun inkişafına, uyğunlaşmasına mane olan əsas məqamdı. Çox güman, “Barselona” bu oyunçu ilə bağlı gələcək təklifi dəyərləndirəcək. Hərçənd Əmrə İspaniyanın AS nəşrinə bunları deyib:

Xatırladaq ki, Əmrə Dəmir Türkiyə çempionatı tarixində qol sevinci yaşayan ən gənc futbolçu statusundadu.