Pablo Sarabiya PSJ-dən ayrılıb. O, futbolçu həyatını İngiltərədə davam etdirəcək.

31 yaşlı yarımmüdafiəçi “Vulverhempton”a transfer olunub. İspaniya millisinin üzvü ilə 2,5 illik müqavilə imzalanıb. Pablo yeni komandasında “21” nömrəli formanı geyəcək. O, yeni klubuna 5 milyon avroya başa gəlib. müqavilədə 2 milyon avroluq bonusla bağlı bənd də nəzərdə tutulub.Sarabiya bu mövsüm PSJ-nin heyətində 19 matça çıxıb, lakin heç bir məhsuldar fəaliyyətlə yadda qalmayıb.

Ondan fərqli, Markinyos parislilərə çox lazımdı. Rəhbərlik braziliyalı futbolçu ilə müqaviləni yeniləməyə hazırlaşır. “Le Parisien” qəzetinin məlumatına görə, tərəflər yaxında yeni müqaviləyə qol çəkəcəklər. Lakin məsələdə dəqiqləşməyən bir məqam var. Qeyd edilir ki, 28 yaşlı müdafiəçi ilə yeni müqavilənin müddəti ya 2026, ya da 2027-ci ilin yayınadək olacaq.

Xatırladaq ki, Markinyos PSJ-də 2013-cü ildən oynayır. O, komanda ilə 7 dəfə Liqa 1-in qalibi olub. Braziliyalının hazırkı müqaviləsinin müddəti 2024-cü ilin yayına qədərdi.