Daniel Alveşlə bağlı sensasiyalı iddia ortaya atılıb. Məşhur braziliyalı futbolçudan bir qadın şikayət edib.
Şikayətçi Alveşi ona qarşı Barselonanın Tuset küçəsindəki “Sutton” klubunda cinsi təcavüzə əl atmaqda ittiham edib. Hazırda Meksikada, “Pumas”da çıxış edən 39 yaşlı futbolçunun bu ittihama cavabı belə olub:
“Bəli, mən həmin yerdə başqa adamlarla birlikdəydim və orda olmaqdan həzz alırdım. Məni tanıyan hər kəs bilir ki, rəqs etməyi sevirəm. Başqalarının şəxsi məkanını zəbt etmədən rəqs etdim, ləzzət aldım. Bu qadının kim olduğunu bilmirəm. Tualetə girəndə orda kimin olduğunu soruşmağa ehtiyac yoxdu. Mən heç vaxt kiminsə şəxsi məkanını zəbt etməmişəm. Bunu bir qıza və ya qadına qarşı necə edərdim? Mənə, əzizlərimə pislik etməyə çalışırlar. Hamı mənim kim və necə adam olduğumu bilir”.