Füzuli Məmmədov: “Bu toplanışda komanda tam formalaşacaq”
Dekabrın 17-də 16 yaşadək futbolçulardan ibarət milli Bakıda təlim-məşq toplanışına start verib.
Football-plus.az hazırlıq prosesi 27-dək davam edəcək. İlkin olaraq onu qeyd edək ki, komandanın heyətində iki futbolçu yer almayıb. “Neftçi”nin üzvü Həsən Mahmudovla "Qarabağ"ın oyunçusu Əfsun Salmanov zədə səbəbindən heyətdən çıxarılıb. Onların əvəzinə isə “Qəbələ”dən Murad Əbilovla Raul Babayev düşərgəyə qoşulub.
Komanda hazırlıq çərçivəsindəki planları maraqlıdı. Buna aydınlıq gətirmək üçün baş məşqçi Füzuli Məmmədovla əlaqə saxladıq:
"Cari il üçün son toplanışdı. Bu dəfə heyətə 25 futbolçu dəvət etmişik. Son çempionat oyununda zədələnən Həsən Mahmudov heyətə qatılmadı. Biz də onun yerinə Murad Əbilovu dəvət etdik. İlk məşqdən sonra ağrıları olan Əfsun Salmanovun əvəzinə isə Raul Babayevi dəvət etdik. Murad əvvəllər də milliyə dəvət alırdı. Son toplanışlərda olmamasının səbəbi komandasında son vaxtlar zəif çıxış etməsi idi. Raulu isə yoxlaya bilməmişdik. Xəstələndiyinə görə oyunlarda iştirak edə bilmirdi. Zədəlillərin yerinə gələnlər də, məncə, milliyə layiqdilər. Hazırda özlərini göstərmək üçün şansları var. İstədik ki, son toplanış olduğuna görə oyunçular haqda tam informasiya alaq. Bu toplanışda komanda tam formalaşacaq. Üç yoxlama oyunu nəzərdə tutulub. Artıq onlardan biri dünən baş tutub. "Sumqayıt"ın U-17 komandası ilə qarşılaşdıq və 7:0 hesabıyla qələbə qazandıq. Dekbarın 24-də çempionat oyunu olduğuna görə öz aramızda ikitərəfli görüş olacaq. 27-də isə "Səbail"in U-17 komandası ilə qarşılaşacağıq".
ŞAİR ABDULLA
Digər xəbərlər
