Bu gün U-21 yığmamız yoxlama görüşündə gücünü sınayacaq.

Football-plus.az xəbər verir ki, Antalyada keçiriləcək qarşılaşmada Samir Əliyevin komandasının rəqibi Macarıstan olacaq. Oyun saat 20.00-da start götürəcək.

Yoxlama oyunu
Macarıstan (U-21) - Azərbaycan (U-21)
17 noyabr. Antalya. Saat 20.00
Maraq üçün qeyd edək ki, görüş haqda çox məlumat yoxdu. Sadəcə, bilirik ki, Samir Əliyevin komandası Antalyada macarlarla qarşılaşacaq. Matçın hakimi, hansı stadionda keçiriləcəyi ilə bağlı informasiya yoxdu.

Əvvəlcədən qeyd edək ki, bu, Samir Əliyevin yığmada debütü olacaq. Gənc mütəxəssis, demək olar ki, sıfırdan komanda formalaşdırır. Əliyev Milan Obradoviзin sərəncamında olan futbolçuların böyük əksəriyyətinin xidmətindən yararlana bilməyəcək. Yeni formalaşan komandanın güclü rəqiblə yoxlama görüşü keçirməsi qəribə görünsə də, bir o qədər də yaxşıdı. Yəqin mütəxəssis indidən komandasını çətin oyunlara hazırlayır. Zəif rəqiblərlə qarşılaşmalarda qələbə qazanmaq milliyə fayda verməyəcək. Əksinə, güclülərlə gücünü sınamaqla oyunçuların “qab”ında nələrin olduğunu öyrənmək mümkündü.

Zoltan Geranın rəhbərlik etdiyi kollektiv yaxşı futbolçulardan formalaşıb. Heyətdə ən bahalı oyunçu Zalan Vançadı. Belçikanın 2-ci liqasında çıxış edən “Lommel”də top qovan 18 yaşlı vingerin dəyəri 1 milyon avrodu. Millimizin heyətində isə Yusif İmanovu fərqləndirmək olar. “Sabah”ın əsas qolkiperi 2 mövsümdü diqqətləri üzərinə cəlb edib. Buna baxmayaraq, “transfermarkt”da 20 yaşlı qapıçının dəyəri 200 min avro göstərilib. Samir Əliyevin sərəncamında daha iki tanış olmayan sima var. Bunlar “Levadiya”da çıxış edən Murad Vəliyevlə Almaniya “Tus Koblens”ində oynayan Nihad Fərəclidi. Hər iki futbolзunun necə oyun sərgiləyəcəyi maraq doğurur.

Azərbaycan və Macarıstanın U-21 milliləri indiyədək bir dəfə üz-üzə gəlib. Komandamız 1998-ci ilin oktyabrında, AЗ-2000-in seзmə mərhələsində rəqibini 2:1 hesabıyla məğlub edib.