"Komandada atmosfer yaxşıdı"
Çempionlar Liqasının əsas mərhələsinin oyunlarına hazırlığını yekunlaşdırmaq üzrə olan “Araz-Naxçıvan”ın baş məşqçisi Joze Alesio Da Silva Mostar şəhərində keçirilmiş ilk məşqdən sonra federasiyanın rəsmi saytına açıqlama verib.
Football-plus.az xəbər verir ki, braziliyalı mütəxəssis ilk görüşdə İsveç çempionu ilə qarşılaşmalarını xüsusi vurğulayıb:"Mostarda, oyunun keçiriləcəyi arenada ilk məşqimizi keçirdik. Həm zal, həm də oyun zamanı istifadə olunacaq toplar normaldı. Komandada atmosfer yaxşıdı, sadəcə, səfərlə əlaqədar az da olsa, yorğunluq var. Əsas problemimiz isə zədəli futzalçıların durumu ilə bağlıdı. Andreu, Katatau, Sinesi və Ramiz Çovdarovun zədəsi var və onlardan hansının bu oyunlarda bizə kömək edəcəyini dəqiq deyə bilməyəcəm. Bununla bağlı həkim qərar verəcək. Əslində, Ramiz Çovdarovun geri döndüyünü demək olar, o, Mostardakı ilk məşqimizdə iştirak etdi. Digər 3 oyunçu ilə bağlı məsələ konkretləşməyib.
İlk oyunda İsveç çempionu “Orebro” ilə qarşılaşacağıq. Çətin görüş olacaq. Müxtəlif variantlarımız var. Rəqibimizin də oyununa bir daha baxacağıq. Yenə deyirəm, vacib olan zədəli futzalçılarımızın meydana çıxıb-çıxmamasıdır. Əgər onlardan ikisi bizə kömək edə bilsə, onda yaxşı nəticə qazanacağıq. Komanda olaraq yaxşı hazırlaşmışıq. Bütün görüşlər bizim üçün finala bərabər olacaq, ilk oyun isə xüsusilə”.
Digər xəbərlər
