Bu gün keçiriləcək oyunlarla Misli premyer-liqasında 10-cu yekun vurulacaq.

Son gündə 2 qarşılaşma baş tutacaq. Görüşlərin hamısı “CBC Sport” telekanalı vasitəsiylə canlı yayınlanacaq.

Misli premyer-liqası
2-ci dövrə, 10-cu tur

16 oktyabr
Kəpəz - Neftçi 0:2
Qollar: Emin Mahmudov, 17, Kenni Sayef, 82
Qırmızı vərəqə: Zamiq Əliyev, 62
Cəzalı: yoxdu.
“Futbol+”in proqnozu: 30-30-40.
Hakimlər: TURAL QURBANOV, Eyyub İbrahimov, Rahil Ramazanov, Rövşən Rəcəbov.
Hakim-inspektor: Əmrah İbrahimov.
AFFA nümayəndəsi: Elgiz Abbasov.
Gəncə. Şəhər stadionu. Saat 15.00

Uzun illər sonra tarixi derbiyə şahidlik edəcəyik. “Kəpəz”in Gəncəyə qayıtması, stadiona 3 min azarkeşin buraxılması “sarı-göylər” üçün müsbət məqamdı. Bununla belə, matçın favoriti “Neftçi”di. Flaqman ikinci dövrəyə qələbə ilə başlamaq istəyir. Heyətləri və komandaların gücünü də nəzərə alsaq, Laurentsiu Regekampfın rəhbərlik etdiyi kollektivi 3 xala daha yaxın saymaq olar.

Ümumiyyətlə, rəqiblər indiyə kimi 52 dəfə üz-üzə gəlib. “Kəpəz” 18, “Neftçi” 25 görüşdə qələbə qazanıb, 9 qarşılaşmada isə heç-heçə qeydə alınıb. Topların nisbətində də flaqman öndədi - 78:48.

Qarabağ - Sumqayıt 3:1
Qollar: Ramil Şeydayev, 67, 88 (p.), Musa Qurbanlı, 73 - Almir Aqanspahiç, 55
Cəzalı: yoxdu.
“Futbol+”in proqnozu: 50-30-20.
Hakimlər: ƏLİYAR AĞAYEV, Zeynal Zeynalov, Akif Əmirəli, Əli Əliyev.
Hakim-inspektor: Ömər Paşayev.
AFFA nümayəndəsi: Bəhram Qurbanov.
Bakı. “Azərsun Arena”. Saat 17.30

“Qarabağ” həm Avropa Liqasında, həm də çempionatda özünü yaxşı tərəfdən göstərir. Ağdamlıların premyer-liqada hələ də məğlubiyyəti və heç-heçəsi yoxdu. Təbii ki, bu görüşün də aşkar favoriti son çempiondu. “Sumqayıt” isə Samir Abasovun rəhbərliyi altında yeni dönəmə başlamaq istəyir. Amma qələbəsi olmayan “kimyaçılar”ın bu sindroma sabahkı görüşdə son qoyması olduqca çətindi.

Komandalar indiyə kimi 40 dəfə münasibətləri aydınlaşdırıb. Bu görüşlərin 30-da “Qarabağ”, 5-də “Sumqayıt” qələbə qazanıbsa, 5-də qalib müəyyənləşməyib. Topların nisbətində də “köhlən atlar” öndədilər - 93:18.


1. Qarabağ 8 8 0 0 25-6 24
2. Sabah 9 7 1 1 22-7 22
3. Neftçi 9 6 1 2 17-9 19
4. Zirə 9 5 1 3 13-16 16
5. Qəbələ 10 5 1 4 14-10 16
6. Turan Tovuz 8 3 2 3 6-8 11
7. Səbail 9 2 2 5 9-12 8
8. Kəpəz 9 1 1 7 6-23 4
9. Sumqayıt 9 0 4 5 1-11 4
10. Şamaxı 10 0 3 7 5-16 3

Bombardirlər: Ramil Şeydayev, Musa Qurbanlı (hər ikisi "Qarabağ") – 7, Coy-Lens Mikels (Sabah) – 6, Runi Eva (Turan Tovuz), Ağabala Ramazanov (Səbail) - 4.