Bu gün 3 oyunla Misli premyer-liqasının 7-ci turuna yekun vurulub.

Misli premyer-liqası
1-ci dövrə, 7-ci tur
18 sentyabr
Kəpəz - Şamaxı 2:1
Qollar: Ahmed Ayzaya, 48, Abdullahi Şuaybu, 60 - Nihad Quliyev, 5
“Kəpəz”in bu rəqiblə ev oyunlarının balansı: 15:+5=5-5, 19-14.
1999/20 - 4:2; 2000/01 - 7:1; 2001/02 - 2:1; 2003/04 - 0:1; 2004/05 - 0:1; 2005/06 - 2:2; 2010/11 - 1:0; 2011/12 - 0:1; 2012/13 - 0:2; 2015/16 - 0:0, 1:1; 2016/17 - 0:0, 1:0; 2017/18 - 0:1, 1:1;
Cəzalı: Rauf Əliyev (Kəpəz).
“Futbol+”in proqnozu: 30-40-30.
Hakimlər: NİCAT İSMAYILLI, Müslüm Əliyev, Rəhman İmami, Rəvan Həmzəzadə.
Hakim-inspektor: Babək Quliyev.
AFFA nümayəndəsi: Məmmədəli Məmmədov.
Qəbələ. Şəhər stadionu. Saat 18.00

Autsayderlərin duelində favorit yoxdu. Lakin heyət baxımdan “Kəpəz” “Şamaxı”dan üstündü. Sadəcə, “şirlər”in əzmkarlığı bu görüşdə sözünü deyə bilər. Vüqar Əsgərli - Cavid Hüseynov tandemi mübariz komanda formalaşdırıb. Oyun “Kəpəz”in stadion probleminə görə Qəbələdə keçiriləcək. İstənilən halda, bu, Tərlan Əhmədovun təyinatından sonra “sarı-göylər”in ilk ev matçı sayılır. Təcrübəli mütəxəssis xal hesabını açmağı düşünür. Qələbə “Kəpəz”in rəqibini qabaqlamasına imkan verəcək. Amma ümumi mənzərəni nəzərə alsaq, qarşılaşmanın heç-heçə bitəcəyini təxmin edə bilərik.

Komandalar Azərbaycan çempionatlarında 30 dəfə münasibətləri aydınlaşdırıb. Bu qarşılaşmaların 6-da “Kəpəz”, 17-də “Şamaxı” qələbə qazanıb, 7-də qalib müəyyənləşməyib. Topların nisbətində də “münəccimlər” öndədi - 52:28.

Zirə - Qarabağ 1:7
Qollar: Coşqun Diniyev, 34, Musa Qurbanov, 56, 60, 79, 85, Kadi Borges, 64, Ramil Şeydayev, 68 - Toral Bayramov, 44
“Zirə”nin bu rəqiblə ev oyunlarının balansı: 14:+0=4-10, 5-33.
2015/16 - 0:0, 0:2; 2016/17 - 0:2, 0:0; 2017/18 - 2:3, 1:2; 2018/19 - 0:6, 0:3; 2019/20 - 1:3, 0:6; 2020/21 - 0:0, 0:2; 2021/22 - 1:1, 0:3.
Cəzalı: yoxdu.
“Futbol+”in proqnozu: 20-30-50.
Hakimlər: RƏŞAD ƏHMƏDOV, Eyyub İbrahimov, Vüsal Məmmədov, Əli Əliyev.
Hakim-inspektor: Anar Salmanov.
AFFA nümayəndəsi: Bəhram Qurbanov.
Zirə. İdman Kompleksinin stadionu. Saat 20.30
“Zirə” bu mövsüm ilk dəfə doğma meydanda oyuna çıxacaq. Komanda indiyə kimi ev görüşlərini “Dalğa Arena”da keçirib. Bu məqam “qartallar”ın xeyrinə olsa da, istənilən halda görüşün favoriti “Qarabağ”dı. Ağdamlılar indiyə kimi “Zirə”yə məğlub olmayıb. Rəşad Sadıqovun komandasının bu sindomu qıracağı az inandırıcıdı.

Ümumiyyətlə, rəqiblər indiyə kimi Azərbaycan çempionatlarında 27 dəfə qarşılaşıb. Bu görüşlərin 18-də “Qarabağ” qələbə qazanıbsa, 9-da qalib müəyyənləşməyib. Topların nisbətində də ağdamlılar öndədi - 55:12.