"Futbol+"un ötən sayında 19 yaşadək futbolçulardan ibarət millinin baş məşqçisi Miloş Velebitin geniş müsahibəsinə yer vermişdik.

Serbiyalı mütəxəssisin iki fikri xüsusilə diqqətimizi çəkmişdi. Məşqçi bildirir ki, 5 futbolçusu hərbi xidmətə çağrıldığı üçün onların xidmətindən yararlana bilməyib. Onların məsələsi hərbi komissarlıqlarla həll olunmayıb. Velebit bunun səbəbini bilmədiyini də dilə gətirib. Hamıya bəllidi ki, əsgərlik yaşı çatan futbolçuların MOİK-də məşq etmək, özünü göstərmək imkanı olur. Bəzi hallarda isə AFFA məktub vasitəsiylə Müdafiə Nazirliyinə müraciət edərək problemi həll edir.

Bu dəfə məsələ niyə həllini tapmayıb? Sualımızı AFFA-nın Mətbuat və İctimaiyyətlə Əlaqələr Şöbəsinin rəhbəri Firuz Abdullaya ünvanladıq:

məsələ necə həll oluna bilərdi? Adam futbolçudu deyə hərbi mükəlləfiyyətdən azad olunmur. Qalan detallarla bağlı başqa nəsə deyə bilmərəm”.

Velebit həmçinin iddia edib ki, Rusiyada çıxış edən iki futbolçu yığmaya çağrılmayıb. Buna səbəb isə klubların onları buraxmamasıdı. Məşqçi bunun da səbəbini bilmədiyini, lakin həmin futbolçuların onun üçün çox vacib olduğunu dilə gətirib. Söhbət Sadiq Bağıyevlə Nikita Tağızadədən gedir. Hər iki oyunçu mərkəz yarımmüdafiəçisidi. Sadiq Krasnodar “Kuban”ında, Nikita isə “Stroqino”nun ikinci komandasında çıxış edir. Təbii ki, bu futbolçuların yığmaya xeyri dəyə bilərdi. Görəsən, onlar nə üçün yığmaya cəlb etmək mümkün olmayıb? Klubları hansı səbəbdən adı çəkilən oyunçuları milliyə buraxmayıb? Firuz Abdulla suallarımıza belə cavab verdi:

“Bu məsələ ilə bağlı ətraflı məlumatı tezliklə sizinlə bölüşəcəyik”.

İLKİN SULTANLI