Laviolett Oveçkini təriflədi
Oktyabrın 7-də Milli Hokkey Liqasında növbəti mövsüm start götürəcək.
Football-plus.az xəbər verir ki, yeni mövsümə hazırlaşan komandalar hazırda yoldaşlıq oyunları keçirməkdədi. “Vaşinqton”un baş məşqçisi Piter Laviolett komandanın rusiyalı kapitanı Aleksandr Oveçkinin idman formasından ağızdolusu danışıb:
“O, sadəcə, möhtəşəm görünür. Aleksandrın indiki formasında klubu qəbul etdiyim 2020 ilə müqayisədə heç bir fərq görmürəm. O, düşərgəyə əla formada gəlib və buz üzərində testlər zamanı hazırlıq səviyyəsini göstərib. Oveçkin məşqlərə ciddi yanaşır, bütün gücünü meydanda qoyur”.
Xatırladaq ki, MHL karyerası boyunca 780 qol vuran 37 yaşlı rusiyalı ulduz snayperlərin ilk “3-lüy”ünə daxildi O, Ueyn Qretski (894) ilə Qordi Houdan (801) geri qalır.
Digər xəbərlər
