Benjamen Mendi qadınları malikanəsinin xüsusi otaqlarında zorlayıb.

Bu məlumat “Mançester Siti”nin sabiq oyunçusunun qadınlar üzərində seksual zorakılığı ilə bağlı andlılar məhkəməsinin gedişində açıqlanıb. Futbolçu 8 zorlama epizoduna, 1 seksual zəmində zorakılığa və 1 zorlama cəhdinə görə ittiham olunur. Benjamen bütün ittihamları rədd edir.
Məhkəmənin bazar ertəsi keçirilən iclasında deyilib ki, Mendi qadınları malikanədə yaşayanların təhlükə anında gizlənə bilməsi üçün nəzərdə tutulan xüsusi otaqlarda zorlayıb. 28 yaşlı fransalı qadınları Çeşirdəki malikanəsinə aparıb, onlar imtina edincə və ya yüksək sərxoşluq həddində məsələni “həll edib”. Mendi qurbanlarını Mançesterdəki gecə klublarında seçib, ona hazırda birgə mühakimə olunduqları ortağı – 41 yaşlı Lui Saa Matturi yardım edib. Onlar 13 qadına hücumda suçlanır.

Prokuror Timoti Kreyin dediyinə görə, Saanın vəzifələrindən biri “gənc qadınları tapmaq, onların zorlanması və seksual zorakılığa məruz qalması üçün şərait yaratmaq” olub. Saa 2021-in iyulunda qızlardan birinə gecə klubunda növbədə olmaq əvəzinə pul müqabilində rəfiqəsi ilə birgə Mendinin malikanəsindəki məclisə qatılmağı təklif edib. Həmin qızın polisə dediyinə gprə, Mendi onu kinozalda prezervativsiz zorlayıb. İki qadın polisə Mendinin malikanəsindəki məclis zamanı kişilərin onları əldən-ələ ötürdüyünü deyib. Qadınlardan biri o dərəcədə sərxoş olub ki, kişilərlə seksdən yalnız alt paltarında hər ikisinin spermasını görəndən sonra xəbər tutub.

Bu cinayətlər Benjamenin Mottram-Sent-Endryu kəndindəki malikanəsində - 2018-ci ilin oktyabrından 2021-ci ilə qədər baş verib. Kəndə ən yaxın yaşayış məskəni Prestberiyə çatmaq üçün işıqlandırılmayan yollarla 15 dəqiqə piyada getmək lazımdı. Bəzi qadınların dediyinə görə, malikanəyə çatan kimi telefonları alınıb – guya Mendi və dostları bu yolla sosial şəbəkələrdə arzuolunmaz yazılardan uzaq tutulacaqmış. Zərərçəkənlərdən biri “aybaşı” dövründə zorlandığını, digəri isə elə mətbəxdə seksual zorakılığa məruz qaldığını deyib. Onlardan birinin yaşı 17 olub. İkisi Mendinin onları qapalı otaqlarda zorladığını deyib. Bir sözlə, fransalı futbolçunun qalın seks dosyesi var.
Prokuror onu da bildirib ki, həm Mendi, həm də Saa hərəkətlərinin fərqinə varıblar.