Azərbaycan şahmatçısı Məhəmməd Muradlı Birləşmiş Ərəb Əmirliklərinin Əbu-Dabi şəhərində beynəlxalq turnirdə mübarizə aparacaq.

Football-plus.az xəbər verir ki, sabah start götürəcək yarışda son Azərbaycan çempionatının qalibi olan 19 yaşlı qrossmeysterlə yanaşı, Hindistan, İran, Almaniya, ABŞ və digər ölkələrdən 149 şahmatçı çıxış edəcək.

Turnirin reytinq favoriti çinli Van Haodu.

Qeyd edək ki, Muradlı ötən ay İsveçrənin Bil şəhərində keçirilən turnirin qalibi olub.