“Araz-Naxçıvan”, “Mingəçevir” və “İmişli”ni salamlayırıq. Bir müddət öncə Naxçıvanda oldum. Həqiqətən böyük işlər görmək fikirləri var. Klubun sponsoru, rəhbərliyi ilə danışdıq. Uşaq futbolunun inkişafı, akademiyanın yaradılması ilə bağlı da ciddi planları var. Uğurlar arzulayırıq. Əlimizdən gələn qədər sizə dəstək olmağa hazırıq. Çempionata rəng qatacağınıza əminik. “İmişli” də yeni mövsümdən 1-ci divizionda iştirak edəcək. Bu komanda premyer-liqada çıxış edib. Mən isə həmin vaxt “Karvan”da idim. Onda yeni yaranan komandalar arasında ən yaxşı infrastuktura malik olanı “İmişli” idi. Son vaxtlar getməmişəm, amma ümid edirəm ki, xırda problemlər də aradan qaldırılıb. Təbii ki, stadion indi əvvəlki kimi ideal səviyyədə deyil. Amma əsas odu ki, infrastrukturun bünovrəsi var. Mingəçevir də ölkəmizin ən gözəl şəhərlərindən biridi. Sizə bir şey deyim. Mən “Karvan”da çalışarkən bəzi legionerlər var idi ki, bu komanda ilə müqavilə bağlamaq istəmirdilər. O zaman biz onları Mingəçevirə aparıb, müqavilə bağlayıb Yevlaxa qayıdırdıq. Sevindirici haldı ki, bu şəhərin komandası da yeni mövsümdən 1-ci divizionda iştirak edəcək. Sizə də uğurlar arzulayırıq”.

“Sizə verilən əsasnamələri mütləq oxuyun. Başa düşmədiyiniz istənilən məsələni zəng edib soruşmaqdan çəkinməyin. Dəfələrlə soruşun ki, hansısa problem olmasın. Biz AFFA nümayəndəsi kimi oyunlara gələcəyik. Məqsədimiz gəlib sizə cərimə yazmaq deyil. Sadəcə, bəzi məsələlər var ki, onlar mütləq həll olunmalıdı. Normal meneceriniz olsun ki, nümayəndənin sözlərini qeyd etsin, onları tətbiq etsin. Oyunun təşkilində, təcili yardım, polislər və başqa məsələlər ilə bağlı heç bir problem olmasın. Yəqin ki, bu həftə stadionlar təftiş olunacaq. Gəlib baxacağıq, hansı kömək lazım olsa, əlimizdən gələn qədər etməyə çalışacağıq”.

“Hər gün iş prosesində çalışırıq ki, ortada olan problemlərin həllində yardımçı olaq. Əvvəlki illərlə müqayisədə indi, demək olar ki, bütün 1-ci divizion komandaları ilə sıx çalışırıq. Yeni gələn komandalara da uğurlar arzulayıram. Stadionla bağlı məsələlər də, demək olar ki, təsdiqlənməkdədi. Çox güman, premyer-liqanın 2-ci turundan sonra stadionların təftişi həyata keçiriləcək. Bununla bağlı sizə bir gün öncədən məlumat veriləcək. Xüsusən də “Mingəçevir” və “İmişli”nin stadionları ilə bağlı müəyyən suallar var. “Araz-Naxçıvan”ın stadionunda da müəyyən işlər görülür. Lakin bu məsələlər bir daha müzakirə ediləcək. PFL-in bayrağı altında keçirilən 1-ci divizion peşəkar səviyyədi. Biz istəyirik ki, burda oyunların keçirilməsi də peşəkar səviyyədə olsun. Bununla bağlı da zəhmət olmasa, əsasnaməni oxuyun, stadionla bağlı tələbləri tam yerinə yetirməyə çalışın. Əsasnamə ilə bağlı bunu deyə bilərəm ki, ümumilikdə mövsüm ərzində 5 legioner cəlb edə bilərsiz. Amma oyun ərzində ikisi start heyətində yer ala bilər. Məşqçilərlə bağlı məsələlərə də diqqət etmək lazımdı. Bu gün hər komandaya tələb olunan minimum sayda - 8 top veriləcək. Onu da komandanın məşqçilər korpusuna çatdırmağınız xahiş olunur”.