Sabah Çempionlar Liqasında 3-cü təsnifat mərhələsinin cavab görüşləri baş tutacaq.

Turnirdəki yeganə təmsilçimiz "Qarabağ" səfərdə "Ferensvaroş"la qarşılaşacaq. Oyundan öncə "köhlən atlar"ın baş məşqçisi Qurban Qurbanovun mətbuat konfransı keçirilib. 50 yaşlı mütəxəssis fikirlərini bölüşüb:

Çalışdırıcı jurnalistlərin suallarını da cavablandırıb:

- Azərbaycanda futbol mütəxəssisləri düşünür ki, builki rəqiblər arasında ən güclüsü "Ferensvaroş"du. Siz də belə düşünürsüz?
- Əvvəlki illərə nisbətən bu mövsüm ilk mərhələdən çox ciddi rəqiblər düşdü. “Lex”, “Sürix” çox ciddi komandalardı. "Ferensvaroş" üçüncü mərhələyə gəlibsə, demək ki, layiqli rəqibdi. Bu komandada heç bir sıradan oyunçu yoxdu. Hamısı bacarıqlı, usta futbolçulardı. Hamımızın hörmətlə yanaşdığı Stanislav Çerçesov kimi çox yaxşı baş məşqçisi var. O, yaxşı kollektiv qura bilir, özünəməxsus oyun sistemi var. Ola bilər ki, bu rəqib digərlərindən güclüdü. Biz dəfələrlə özümüzdən güclü komandalarla oynamışıq və çəkinməmişik. Çalışmışqı ki, layiqli oyun göstərib qalib gələk. Belə komandalara qarşı oynamaq bizim üçün xoşdu. Allah qoysa, sabah layiqli oyun göstərməyə çalışacağıq.

- “Ferentsvaroş”un azərbaycanlı prezidenti bu oyunu döyüşə bənzədib. Sizin döyüşçüləriniz buna hazırdı?
- Hər bir oyun bizim üçün futbol döyüşüdü. Döyüşün növləri var, bizimki də futbol döyüşüdü. Biz daim meydanda vuruşmasaq, mübarizə aparmasaq, istədiyimiz nəticəni əldə edə bilmərik. Mənim bildiyim qədərilə rəqibin prezidenti azərbaycanlı olmadığını etiraf edib. Bunun önəmi yoxdu, biz rəqibik. Burada azərbaycanlı və ya macar olmaqdan söhbət getmir, çıxıb mübarizə aparacağıq. Sabah cütün taleyi həll olunmalıdı.

- Böyükhesablı qələbəyə ümid var?
- Belə oyunlar ilboyu nadir hallarda olur. Hər oyunda istədiyin oyunu göstərə bilmirsən, istədiyin qol epizodlarından maksimum yararlanmaq mümkün olmur. Bura Çempionlar Liqasıdı, çox diqqətli olmalıyıq. Biz hazırda elə üslubda oynayırıq ki, böyük hesabla məğlub də ola bilərik, qalib də gələ bilərik. Həmişə ehtiyatımızı tuturuq ki, səhvlərə yol verməyək. Amma indi böyük hesab haqda düşünmürük.

- “Qarabağ” həmişə ikinci oyunda daha yaxşı, uğurlu oynayır. Sabah da bunu gözləyə bilərik?
- Çox istəyərdik ki, sabah Bakıdakından da yaxşı oynayaq. Qalib gəlmək üçün buna ehtiyacımız var. Amma rəqibi daha yaxından tanıdıq. Onsuzda, ilk oyundan sonra rəqibi daha yaxından tanıyırsan. Rəqibin baş məşqçisinin də müsahibəsini oxudum, o da bizi daha yaxından tanıdıqlarını, daha yaxşı analiz edəcəklərini bildirib. Rəqibi daha yaxşı analiz edərək daha yaxşı oynamaq haqda düşünürük. Rəqib də boş dayanmır. Onlar da bizim gözləmədiyimiz, düşünmədiyimiz variantlara əl atır. Hər mərhələ keçdikcə daha diqqətli olmalıyıq. Rəqibin mətbuat konfransından da gördüm ki, çox ciddi yanaşırlar, xırdalıqları da çox ciddi müzakirə edirlər. Sabahkı oyunda başda mən olmaqla bütün futbolçular diqqətli olmalıdı. Taktiki və mübarizə baxımından maraqlı oyun olacaq. Çox istəyərdim ki, azarkeşlər oyundan razı qalsın.